Visit:
TSLPRB | తెలంగాణ స్టేట్ లెవ‌ల్ పోలీసు రిక్రూట్‌మెంట్ బోర్డు కీల‌క విష‌యాన్ని వెల్ల‌డించింది. పోలీసు నియామ‌క తుది ప‌రీక్ష‌ల తేదీల్లో మార్పులు చేసిన‌ట్లు పేర్కొంది. టీఎస్‌పీఎస్సీ విజ్ఞ‌ప్తి మేర‌కు పోలీసు నియామ‌క మండ‌లి తేదీల‌ను మార్పు చేసింది. నాలుగు ప‌రీక్ష తేదీల్లో మార్పులు చేసిన‌ట్లు ప్ర‌క‌టించింది.
ఎస్ఐ(ఐటీ), ఏఎస్ఐ(ఫింగ‌ర్ ప్రింట్స్), కానిస్టేబుల్, కానిస్టేబుల్(ఐటీ) ప‌రీక్ష‌ల తేదీ మార్పు చేశారు. ఏప్రిల్ 23న జ‌ర‌గాల్సిన కానిస్టేబుల్ రాత ప‌రీక్ష‌ను 30వ తేదీన నిర్వ‌హించ‌నున్నారు. మార్చి 12న జ‌ర‌గాల్సిన ఎస్ఐ(ఐటీ) ప‌రీక్ష 11వ తేదీకి మార్చారు. ఏఎస్ఐ(ఫింగ‌ర్ ప్రింట్స్) ప‌రీక్ష మార్చి 12 నుంచి 11వ తేదీకి మార్చారు. కానిస్టేబుల్ (ఐటీ) ప‌రీక్ష ఏప్రిల్ 23 నుంచి 30వ తేదీకి మార్చారు.
