DSC Hall Tickets | అబ్బాయికి బదులు అమ్మాయి ఫొటో.. డీఎస్సీ హాల్‌టికెట్‌లో విద్యాశాఖ నిర్వాకం

DSC Hall Tickets | డీఎస్సీ హాల్‌టికెట్‌లో అబ్బాయి ఫొటోకు బదులు అమ్మా యి ఫొటో, సంతకం వచ్చింది. దీంతో నివ్వెరపోయిన అభ్యర్థి విద్యాశాఖ నిర్లక్ష్యంపై మండిపడ్డాడు.

DSC Hall Tickets | జవహర్‌నగర్‌, జూలై 16 : డీఎస్సీ హాల్‌టికెట్‌లో అబ్బాయి ఫొటోకు బదులు అమ్మా యి ఫొటో, సంతకం వచ్చింది. దీంతో నివ్వెరపోయిన అభ్యర్థి విద్యాశాఖ నిర్లక్ష్యంపై మండిపడ్డాడు. దమ్మాయిగూడ బాలాజీనగర్‌కాలనీకి చెందిన రాంచంద్రయ్య వల్లెపు డీఎస్సీ రాస్తున్నాడు.

హాల్‌టికెట్‌ డౌన్‌లోడ్‌ చేసుకోగా వివరాలు సక్రమంగానే ఉన్నా.. ఫొటో, సంతకం మాత్రం అమ్మాయిది రావడంతో కంగుతిన్నాడు. అధికారులు చేసిన పొరపాటుతో 31న నిర్వహించే పరీక్షను రాసేది ఎలా..? అని వాపోతున్నాడు. అధికారులు హాల్‌టికెట్‌లో తప్పులను సవరించి కొత్తది మంజూరు చేయాలని కోరుతున్నాడు.