పీజీ మెడికల్ యాజమాన్య కోటా సీట్ల భర్తీకి వెబ్ కౌన్సెలింగ్ ప్రారంభం

వ‌రంగ‌ల్ : రాష్ట్రంలోని ప్రైవేట్ వైద్య కళాశాల్లో మెడికల్ కోర్సుల్లో ప్రవేశాలకు ఈ నెల 7వ తేదీ వరకు రెండో విడత వెబ్‌ కౌన్సెలింగ్‌ నిర్వహించనున్నారు. ఈ మేరకు కాళోజీ ఆరోగ్య విశ్వవిద్యాలయం నేడు కౌన్సిలింగ్ నోటిఫికేషన్‌ను విడుదల చేసింది. యూనివర్సిటీ పరిధిలోని యాజమాన్య కోటా సీట్లను ఈ నోటిఫికేషన్‌ ద్వారా భర్తీ చేయనున్నారు. అర్హులైన అభ్యర్థులు మార్చి 5 నుంచి 7వ తేదీ మధ్యాహ్నం 2 గంటల వరకు వెబ్‌ ఆప్షన్లను నమోదు చేసుకోవచ్చు.

గత విడత కౌన్సెలింగ్‌లో సీటు అలాట్‌ అయి జాయిన్‌ కానీ అభ్యర్థులు, అదే విధంగా కళాశాలలో చేరి డిస్‌కంటిన్యూ చేసిన అభ్యర్థులు ఈ విడత వెబ్‌ కౌన్సెలింగ్‌కు అనర్హులని వర్సిటీ ప్రకటించింది. అలాగే ఆల్‌ ఇండియా కోటా కౌన్సెలింగ్‌ కింద ఇప్పటికే చేరిన అభ్యర్థులను ఈ వెబ్‌ కౌన్సెలింగ్‌కు అనర్హులుగా పరిగణిస్తామని పేర్కొంది. మరిన్ని వివ‌రాలకు www.knruhs.telangana.gov.in వెబ్‌సైట్‌ను చూడాలని యూనివర్సిటీ అధికారులు సూచించారు.