‘బయోమెడికల్‌ సైన్స్‌’లో ఏడాదిపాటు ఇంటర్న్‌షిప్‌

‘బీఎస్సీ బయోమెడికల్‌ సైన్స్‌' పేరుతో నాలుగేండ్ల ఆనర్స్‌ డిగ్రీని ఈ విద్యాసంవత్సరంలో రాష్ట్రంలోని 15 కాలేజీల్లో ప్రవేశపెట్టారు. ఒక్కో కాలేజీలో 50 సీట్ల చొప్పున 750సీట్లకు అనుమతిచ్చారు.

హైదరాబాద్‌, జూన్‌ 7 (నమస్తే తెలంగాణ): ‘బీఎస్సీ బయోమెడికల్‌ సైన్స్‌’ పేరుతో నాలుగేండ్ల ఆనర్స్‌ డిగ్రీని ఈ విద్యాసంవత్సరంలో రాష్ట్రంలోని 15 కాలేజీల్లో ప్రవేశపెట్టారు. ఒక్కో కాలేజీలో 50 సీట్ల చొప్పున 750సీట్లకు అనుమతిచ్చారు. దోస్త్‌ రెండో విడుతలో ఈ సీట్లను భర్తీచేస్తారు. శుక్రవారం మాసాబ్‌ట్యాంక్‌లోని ఉన్నత విద్యామండలి కార్యాలయంలో చైర్మన్‌ లింబాద్రి, వైస్‌ చైర్మన్‌ మహమూద్‌, కార్యదర్శి ప్రొఫెసర్‌ శ్రీరామ్‌ వెంకటేశ్‌ ఈ కోర్సు సిలబస్‌ను విడుదల చేశారు. ఈ కోర్సు నిర్వహణకు దవాఖానలు, బయో ఫార్మాసూటికల్స్‌ కంపెనీలతో ఎంవోయూ కుదుర్చుకున్నారు. ఈ కోర్సు ను దేశంలోనే మొదటిసారిగా తెలంగాణలో ప్రవేశపెట్టినట్టు తెలిపారు. ఈ కోర్సుతో జీనోమ్‌ వ్యాలీలో ఉద్యోగాలు లభిస్తాయన్నారు.