Nikki Haley: నిక్కీ హెలీని క‌లిసిన మంత్రి కేటీఆర్

Nikki Haley: యూఎన్ మాజీ అంబాసిడ‌ర్ నిక్కీ హెలీని మంత్రి కేటీఆర్ క‌లిశారు. అమెరికా ప‌ర్య‌ట‌న‌లో ఉన్న ఆయ‌న‌.. ఇండియా, అమెరికా మ‌ధ్య వ్యూహాత్మ‌క సంబంధాల గురించి చ‌ర్చించారు. హైద‌రాబాద్‌, తెలంగాణ గురించి మంత్రి కేటీఆర్ ఆమెతో ప్ర‌త్యేకంగా ప్ర‌స్తావించారు.

హైద‌రాబాద్‌: ఐక్య‌రాజ్య‌స‌మితి మాజీ అంబాసిడ‌ర్‌, ద‌క్షిణ క‌రోలినా మాజీ గ‌వ‌ర్న‌ర్ నిక్కీ హెలీ(Nikki Haley)ని .. తెలంగాణ ఐటీశాఖ మంత్రి కేటీఆర్ క‌లిశారు. అమెరికా టూర్‌లో ఉన్న ఆయ‌న వివిధ వ్యూహాత్మ‌క అంశాల‌పై చ‌ర్చించారు. అమెరికా, ఇండియా సంబంధాల నేప‌థ్యంలో.. హైద‌రాబాద్‌, తెలంగాణ ప్రాముఖ్య‌త గురించి హెలీతో మంత్రి కేటీఆర్ ముచ్చ‌టించారు. నిక్కీ హెలీతో దిగిన ఫోటోల‌ను త‌న ట్విట్ట‌ర్‌లో కేటీఆర్ పోస్టు చేశారు.

ఆర్థిక వ్య‌వస్థ‌, ఎన్నిక‌లు, రాజ‌కీయాల గురించి నిక్కీ హెలీతో విస్తృత స్థాయిలో అభిప్రాయాల‌ను పంచుకున్న‌ట్లు మంత్రి కేటీఆర్ త‌న ట్వీట్‌లో తెలిపారు. ఈసారి అమెరికా అధ్య‌క్ష ఎన్నిక‌ల రేసులో పోటీప‌డుత‌న్న నేప‌థ్యంలో నిక్కీకి మంత్రి కేటీఆర్ బెస్ట్ విషెస్ తెలిపారు.

It was an absolute pleasure interacting with @NikkiHaley Former UN Ambassador & Governor of South Carolina

Briefed her on the strategic importance of Hyderabad & Telangana in the larger context of US – India relations

Also discussed economy, elections and exchanged views on… pic.twitter.com/PDyxnbwu3b

— KTR (@KTRBRS) May 23, 2023