కరీంనగర్ : త్యాగానికి, దేశభక్తికి మరోపేరుగా సిక్కులు అని కరీంనగర్ బీఆర్ఎస్ అభ్యర్థి, మంత్రి గంగుల కమలాకర్(Minister Gangula )అన్నారు. సోమవారం గురునానక్(Gurunanak) జయంతి సందర్భంగా సిక్ వాడిలోని గురుద్వారలో మంత్రి గంగుల ప్రత్యేక పూజలు నిర్వహించారు. మత గురువులు, సిక్కు సోదరలతో కాసేపుమాట్లాడారు. ఈ సందర్భంగా మంత్రి మాట్లాడుతూ.. భారతీయుల్లో నరనరాన దేశభక్తిని పెంపొందించిన గొప్ప వ్యక్తి గురునానక్ అని అన్నారు. తన బోధనల అందరూ సమానమేనని కుల,మత వర్గాలకు అతీతంగా జీవించాలని గొప్ప వ్యక్తి గురునానక్ అని కొనియాడారు. గురునానక్ స్ఫూర్తితోనే వేలాది మంది సిక్కులు దేశ రక్షణకు కృషి చేస్తున్నారని చెప్పారు. మంత్రి వెంట నగర మేయర్ యాదగిరి సునీల్ రావు పలువురు సిక్ మతస్తులు ఉన్నారు.