సెప్సిస్, రక్తస్రావమే మృతికి కారణం
తీవ్రమైన సెప్సిస్, తీవ్రమైన రక్తస్రావంతోనే ఇటీవల తమ దవాఖానలో మహిళా యువ న్యాయవాది మృతి సంభవించిందని సికింద్రాబాద్ మెడికవర్ దవాఖాన యాజమాన్యం తెలిపింది. ఈ ఘటనపై గత కొద్దిరోజులుగా సోషల్ మీడియాలో జరుగుతున్న ప్రచారంపై ఈ మేరకు స్పందించింది. ఈ వ్యవహారంపై సమగ్ర విచారణ జరుపాలని కోరుతూ డీజీపీకి వినతిపత్రం అందజేయనున్నట్టు ప్రకటించింది.
- యువ న్యాయవాది మృతి ఘటనపై మెడికవర్ యాజమాన్యం వివరణ
మారేడ్పల్లి, అక్టోబర్ 22: తీవ్రమైన సెప్సిస్, తీవ్రమైన రక్తస్రావంతోనే ఇటీవల తమ దవాఖానలో మహిళా యువ న్యాయవాది మృతి సంభవించిందని సికింద్రాబాద్ మెడికవర్ దవాఖాన యాజమాన్యం తెలిపింది. ఈ ఘటనపై గత కొద్దిరోజులుగా సోషల్ మీడియాలో జరుగుతున్న ప్రచారంపై ఈ మేరకు స్పందించింది. ఈ వ్యవహారంపై సమగ్ర విచారణ జరుపాలని కోరుతూ డీజీపీకి వినతిపత్రం అందజేయనున్నట్టు ప్రకటించింది.
గురువారం దవాఖానలో మీడియాతో మెడికవర్ దవాఖాన చైర్మన్, మేనేజింగ్ డైరెక్టర్ డాక్టర్ అనిల్ కృష్ణ, వైద్య నిపుణులు ఘటనకు సంబంధించిన వివరాలను వెల్లడించారు. ఆ యువతి బయట డయాగ్నొస్టిక్ కేంద్రంలో చేయించుకున్న సీటీ స్కాన్ నివేదిక ప్రకారం ఆమె కిడ్నీలో సుమారు 16:17:20 మిల్లీమీటర్ల పరిమాణంలో రాయి ఉన్నట్టు గుర్తించామని తెలిపారు. శస్త్ర చికిత్స అనంతరం రోగిని వెంటిలేషన్ ట్యూబ్ నుంచి తొలగించినప్పుడు స్పృహలోనే ఉన్నారని, అనంతరం సర్జికల్ ఐసీయూకు తరలించామని తెలిపారు. తర్వాత ఆమెకు తీవ్రమైన సెప్సిస్తోపాటు ప్లేట్లెట్ల సంఖ్య గణనీయంగా తగ్గిపోవడంతో మెదడులో తీవ్ర రక్తస్రావం సంభవించిందని, వైద్యబృందం ప్రయత్నాలు ఫలించకపోవడంతో రోగిని కాపాడలేకపోయామని వివరించారు.
‘2011లో సహృదయ హెల్త్కేర్ స్థాపన’
మెడికవర్ దవాఖానల యజమాన్యం నిర్మాణంపై వస్తున్న ఆరోపణలపైనా చైర్మన్, వైద్యులు వివరణ ఇచ్చారు. సహృదయ హెల్త్కేర్ ప్రైవేట్ లిమిటెడ్ 2011 జనవరిలోనే స్థాపించినట్టు తెలిపారు. మెడికవర్ ఏబీ 2017 నుంచి పెట్టుబడులు పెట్టిందని, ప్రస్తుతం ఆ సంస్థకు 66.1 శాతం వాటా ఉన్నదని, 2017 నుంచి కొత్త షేర్ల కేటాయింపు జరుగలేదని పేర్కొన్నది. సంస్థపై నిరాధార ఆరోపణలు చేసిన వారిపై పరువునష్టం చర్యలు చేపడుతామని వెల్లడించారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

