Revanth Reddy | సీటుకు నోటుతో అమెరికాలో విల్లాలు.. నమ్మించి గొంతు కోయడంలో రేవంత్‌రెడ్డి దిట్ట: కొత్త మనోహర్‌రెడ్డి

సీటుకు నోటు తీసుకొని రేవంత్‌రెడ్డి అమెరికాలో విల్లాలు తీసుకున్నారని కొత్త మనోహర్‌రెడ్డి ఆరోపించారు. శుక్రవారం హైదరాబాద్‌ జిల్లెలగూడ సాయిరాం కాలనీలోని ఆయన నివాసంలో మాట్లాడారు.

• రేవంత్‌ జైలుకు పోవడం ఖాయం
• కొడంగల్‌లో పోటీ చేస్తా:కొత్త మనోహర్‌రెడ్డి

Revanth Reddy | బడంగ్‌పేట, అక్టోబర్‌ 27: సీటుకు నోటు తీసుకొని రేవంత్‌రెడ్డి అమెరికాలో విల్లాలు తీసుకున్నారని కొత్త మనోహర్‌రెడ్డి ఆరోపించారు. శుక్రవారం హైదరాబాద్‌ జిల్లెలగూడ సాయిరాం కాలనీలోని ఆయన నివాసంలో మాట్లాడారు. ఎమ్మెల్యే టికెట్‌ కోసం ఆశావాహుల నుంచి డబ్బులు, భూములు తీసుకొని నమ్మిన వాళ్లను నట్టేట ముంచారని ధ్వజమెత్తారు. ఎమ్మెల్యే టికెట్‌ ఆశించిన రాగిరెడ్డి లక్ష్మారెడ్డి, గద్వాల విజయ్‌ చార్మినార్‌ భాగ్యలక్ష్మి ఆలయం వద్ద పసుపు, కుంకుమ నీళ్లు పోసుకొని ప్రమాణం చేశారని గుర్తుచేశారు.

రేవంత్‌ డబ్బులు, భూములు తీసుకోకపోతే భాగ్యలక్ష్మి దేవాలయానికి వెళ్లి ప్రమాణం ఎందుకు చేయలేదో చెప్పాలని డిమాండ్‌ చేశారు. ఒకరి దగ్గర 5 ఎకరాల భూమి, రూ.10 కోట్లు, మరొకరి దగ్గర రూ.12 కోట్లు, మరొకరి దగ్గర రూ.25 కోట్లు తీసుకున్నట్టు తెలుస్తున్నదని చెప్పారు. తాను కొడంగల్‌లో పోటీ చేస్తున్నట్టు ప్రకటించారు. రేవంత్‌ను ఓడించడమే లక్ష్యంగా పనిచేస్తానని తెలిపారు. సోమశేఖర్‌రెడ్డిని నమ్మించి గొంతు కోశారని ఆరోపించారు. సమావేశంలో సంతోష్‌కుమార్‌, నర్సింగ్‌ యాదవ్‌, కార్తీక్‌రెడ్డి, పవన్‌, చిర్ర లింగం, శంకర్‌, కుసకంటి రవి, గాన్షీరాం, అశోక్‌ తదితరులు పాల్గొన్నారు.