Visit:
నేరేడ్మెట్, జూన్ 21: చాలామందికి ఆటలపై ఆసక్తి ఉన్నా ఏ క్రీడను ఎంచుకోవాలో తెలియక సందిగ్ధంలో పడుతుంటారు. సరైన్ కోచ్, బెస్ట్ అకాడమీలను ఎలా సంప్రదించాలనే సమాచారం దొరుకక సతమతమవుతుంటారు. క్రీడాభిమానులు ఎ దుర్కొంటున్న ఈ సమస్యలను ప్రత్యక్షంగా గమనించిన ఇద్దరు యువకులు అందుకు పరిష్కారం కనుగొన్నారు. చిన్న ఆలోచన కూడా పెద్ద మార్పునకు నాంది కావచ్చని బీఆర్ఎస్ వర్కింగ్ ప్రెసిడెంట్ కేటీఆర్ చె ప్పిన సందేశాన్ని స్ఫూర్తితో తీసుకొని నల్లి ఉమామహేశ్వర్, మయూర్ చౌహాన్ సరికొత్త ఆవిష్కరణకు తెరతీశారు. బ్యాడ్మింటన్ కోచింగ్లో అనుభవమున్న ఈ ఇద్దరు యువకులు కేటీఆర్ ప్రేరణతో చాలూ(లెట్స్ లర్న్ స్పోర్ట్స్) అనే మొబైల్ యాప్న కు రూపకల్పన చేశారు.
క్రీడల్లో కెరీర్ అవకాశాలు ఏమిటనే సమగ్ర సమాచారాన్ని ఒకే వేదిక ద్వారా అందించే లక్ష్యంతో శ్రీ కారం చుట్టారు. క్రీడాకారులు, కోచ్లు, అకాడమీలు, శిక్షణ కేంద్రాలు, వివిధ క్రీడా అవకాశాలను అనుసంధానం చేస్తూ ఒక సమగ్ర డిజిటల్ స్పోర్ట్స్ ఎకో సిస్టంగా ఈ యాప్ పనిచేయనున్నది. ప్రాథమిక స్థాయి నుంచి జాతీయ, అంతర్జాతీయ స్థాయికి ఎ దగాలనుకునే క్రీడాకారులకు ఇది మార్గదర్శిగా నిలువనున్నది. మే 27న ప్రారంభమై ఈ యాప్ను దేశ్యాప్తంగా విస్తరించే లక్ష్యం తో వీరి బృందం కృషిచేస్తున్నది.
ప్రతి క్రీడాకారుడూ తన ప్రతిభను గుర్తించి, సరైన శిక్షణతో ఉన్న స్థాయికి చేరుకునేలా చేయడమే తమ సంకల్పమని యాప్ రూపకర్తలు తెలిపారు. కేటీఆర్ ఆలోచనలను ఆవిష్కరణలుగా మార్చుకోవాలనే సంకల్పంతో మొదలైన ఈ ప్రయాణం.. తెలంగాణ యువత సృజనాత్మకతకు నిదర్శనంగా నిలుస్తూ, రాబోయే రోజుల్లో క్రీడారంగంలో కొత్త అవకాశాలకు వేదికగా మారనున్నది.
