ఎంత గట్టిగా అరిస్తే అంత డిస్కౌంట్‌..!

మీరు చదివింది నిజమే! మీరు ఎంత గట్టిగా అరిస్తే అంత ఎక్కువగా డిస్కౌంట్‌ను పొందవచ్చు. ఈ ఆఫర్‌ను కేఎఫ్‌సీ ప్రకటించింది. అందుకు బిగ్గరగా నవ్వడం, కేకలు వేయడం ద్వారా మరిన్ని చికెన్‌ బకెట్‌లను గెలుచుకోవచ్చని తెలిపింది.

• 29వరకు ఆహార ప్రియులకు కేఎఫ్‌సీ ఆఫర్‌

హైదరాబాద్‌, మే 25 (నమస్తే తెలంగాణ) : మీరు చదివింది నిజమే! మీరు ఎంత గట్టిగా అరిస్తే అంత ఎక్కువగా డిస్కౌంట్‌ను పొందవచ్చు. ఈ ఆఫర్‌ను కేఎఫ్‌సీ ప్రకటించింది. అందుకు బిగ్గరగా నవ్వడం, కేకలు వేయడం ద్వారా మరిన్ని చికెన్‌ బకెట్‌లను గెలుచుకోవచ్చని తెలిపింది. కేఎఫ్‌సీ సంస్థ తన యాప్‌ను ఈ మేరకు అప్‌డేట్‌ చేసింది. కేఎఫ్‌సీ యాప్‌ను డౌన్‌ లోడ్‌ చేసి హోమ్‌ స్రీన్‌పై ‘హౌజ్జాట్‌’ బ్యానర్‌ పై క్లిక్‌ చేసి, హౌజ్జాట్‌ అని ఎంతబిగ్గరగా అరిస్తే అంత పెద్దమొత్తంలో డిస్కౌంట్‌ను పొందవచ్చని కేఎఫ్‌సీ ఇండియా సీఈవో మోక్ష్‌ చొప్పా వెల్లడించారు. హౌజ్జాట్‌ ఫీచర్‌ ఈ నెల 29 వరకు అందుబాటులో ఉంటుందని పేర్కొన్నారు.