Hyderabad Metro | హైదరాబాద్‌ మెట్రో ఎక్స్‌ అకౌంట్‌ హ్యాక్‌

హైదరాబాద్‌ మెట్రో (Hyderabad Metro) ఎక్స్‌ అకౌంట్‌ హ్యాక్‌కు గురైంది. దీనిపై మెట్రో యాజమాన్యం కీలక ప్రకటన చేసింది. తమ ఎక్స్‌ హ్యాండిల్‌ @Itmhyd హ్యాక్ అయిందని, అకౌంట్‌ను సంప్రదించేందుకు ఎవరూ ప్రయత్నించవద్దని కోరింది.

హైదరాబాద్‌: హైదరాబాద్‌ మెట్రో (Hyderabad Metro) ఎక్స్‌ అకౌంట్‌ హ్యాక్‌కు గురైంది. దీనిపై మెట్రో యాజమాన్యం కీలక ప్రకటన చేసింది. తమ ఎక్స్‌ హ్యాండిల్‌ @Itmhyd హ్యాక్ అయిందని, అకౌంట్‌ను సంప్రదించేందుకు ఎవరూ ప్రయత్నించవద్దని కోరింది. ఖాతాను త్వరగా పునరుద్ధరించేందుకు చర్యలు చేపట్టామని వెల్లడించింది. త్వరలో మీకు సమాచారం అందిస్తామని పేర్కొంది. అప్పటి వరకు అందులో వచ్చే పోస్టుల పట్ల జాగ్రత్త వహించాలని ప్రయాణికులకు సూచించింది.

సోషల్ మీడియాలో హైదరాబాద్ మెట్రో చాలా యాక్టివ్‌గా ఉంటుంది. వచ్చిన ప్రతి సందర్భాన్ని వాడుకొని ప్రజలను ఆకర్షించే ప్రయత్నం చేస్తుంది. ఆఫర్లు తెలియజేస్తుంది. అలాంటి ఎక్స్‌ అకౌంట్ హ్యాక్ అవ్వడంతో షాక్ అయింది. అయితే అందులో వచ్చిన సమాచారాన్ని నిజమని నమ్మి ప్రజలు మోసపోయే ప్రమాదం ఉందని గ్రహించి ఈ అలర్ట్ మెసేజ్ పంపించింది. ప్రస్తుతం ఈ పోస్టు సోషల్‌ మీడియాలో వైరల్ అవుతున్నది.

⚠️ Important Notice:
Our official Twitter/X account (@ltmhyd) has been hacked.
Please avoid clicking any links or engaging with posts until further notice. We’re working on it and will update you soon. Stay safe! #landtmetro #metroride #mycitymymetromypride #hyderabadmetro… pic.twitter.com/NiNyNNlN1M

— L&T Hyderabad Metro Rail (@ltmhyd) September 19, 2024