హఫీజ్‌పేట్‌ ఘటనలో నివేదిక కోరిన హెచ్చార్సీ

హఫీజ్‌పేట్‌ రైల్వేస్టేషన్‌ సమీపంలో ఈ నెల 18న హోంగార్డు ఓ మహిళ జుట్టు పట్టుకొని ఈడ్చుకెళ్లిన ఘటనలో నివేదిక ఇవ్వాలని రాష్ట్ర మానవ హక్కుల కమిషన్‌ ఆదేశించింది.

సుల్తాన్‌బజార్‌, సెప్టెంబర్‌ 22: హఫీజ్‌పేట్‌ రైల్వేస్టేషన్‌ సమీపంలో ఈ నెల 18న హోంగార్డు ఓ మహిళ జుట్టు పట్టుకొని ఈడ్చుకెళ్లిన ఘటనలో నివేదిక ఇవ్వాలని రాష్ట్ర మానవ హక్కుల కమిషన్‌ ఆదేశించింది. ఆన్‌లైన్‌లో వచ్చిన ఓ ఫిర్యాదుపై కమిషన్‌ చైరోమన్‌ జస్టిస్‌ షమీమ్‌ అక్తర్‌ స్పందించారు.

రాజ్యాంగ హక్కులకు భంగం కలిగేలా హోంగార్డు ప్రవర్తన ఉన్నట్టు ఆరోపణలు వస్తున్నాయని కమిషన్‌ అభిప్రాయపడింది. ఈ ఘటనకు సంబంధించి చర్యలపై నివేదిక సమర్పించాలని పోలీసులను ఆదేశించింది. విచారణను నవంబర్‌ 17కు వాయిదా వేసింది.