ఈ వారం మస్తు వానలు

ఈ నెల 3,4 తేదీల్లో రాష్ట్రంలో భారీ వర్షాలు కురిసే అవకాశం ఉన్నదని హైదరాబాద్‌ వాతావరణ కేంద్రం తెలిపింది. సోమ, మంగళవారాల్లో కొన్నిప్రాంతాల్లో తేలికపాటి వర్షాలు పడుతాయని వెల్లడించింది. దక్షిణ తెలంగాణలో వర్షాలు తగ్గాయి. కొన్ని ప్రాంతాల్లో వర్షాలు కురువలేదు

• 3, 4 తేదీల్లో పలుచోట్ల భారీ వర్షాలు
• నేడు, రేపు తేలికపాటి జల్లులకు అవకాశం
• హైదరాబాద్‌ వాతావరణ కేంద్రం వెల్లడి

హైదరాబాద్‌, జూలై 31 (నమస్తే తెలంగాణ): ఈ నెల 3,4 తేదీల్లో రాష్ట్రంలో భారీ వర్షాలు కురిసే అవకాశం ఉన్నదని హైదరాబాద్‌ వాతావరణ కేంద్రం తెలిపింది. సోమ, మంగళవారాల్లో కొన్నిప్రాంతాల్లో తేలికపాటి వర్షాలు పడుతాయని వెల్లడించింది. దక్షిణ తెలంగాణలో వర్షాలు తగ్గాయి. కొన్ని ప్రాంతాల్లో వర్షాలు కురువలేదు.

సూర్యాపేట జిల్లా నేరేడుచర్ల, పాలకీడు మండలాల్లో అత్యంత తక్కువ వర్షం కురిసింది. ఇదే సమయంలో ఉత్తర తెలంగాణ జిల్లాల్లో రోజూ ఏదో ఒక ప్రాంతంలో భారీ వర్షాలు కురుస్తున్నాయి. హైదరాబాద్‌లో ప్రతి రోజు వర్షం కురుస్తున్నది. జగిత్యాల, రాజన్న సిరిసిల్ల, నిర్మల్‌, కుమ్రంభీం ఆసిఫాబాద్‌ జిల్లాల్లో ఆదివారం పలు చోట్ల భారీ వర్షం కురిసింది. హైదరాబాద్‌లో కూడా ఆదివారం సాయంత్రం అనేకచోట్ల భారీ వర్షాలు పడ్డాయి. ఉత్తర, దక్షిణ ద్రోణి ఆదివారం దక్షిణ ఛత్తీస్‌గఢ్‌ నుంచి తెలంగాణ, రాయలసీమ, తమిళనాడు మీదుగా స్థిరంగా కొనసాగుతున్నది.