దశాబ్ది వేడుకలకు కేసీఆర్‌ను ఆహ్వానించాం

తెలంగాణ రాష్ట్ర అవతరణ దశాబ్ది ఉత్సవాలకు బీఆర్‌ఎస్‌ అధినేత, మాజీ ముఖ్యమంత్రి, ప్రతిపక్ష నాయకుడు కే చంద్రశేఖర్‌రావును ఆహ్వానించినట్టు రాష్ట్ర ప్రభుత్వ ప్రొటోకాల్‌ సలహాదారు హర్కర వేణుగోపాల్‌ చెప్పారు.

• ప్రభుత్వ సలహాదారు హర్కర వేణుగోపాల్‌ వెల్లడి

హైదరాబాద్‌, మే 31 (నమస్తే తెలంగాణ): తెలంగాణ రాష్ట్ర అవతరణ దశాబ్ది ఉత్సవాలకు బీఆర్‌ఎస్‌ అధినేత, మాజీ ముఖ్యమంత్రి, ప్రతిపక్ష నాయకుడు కే చంద్రశేఖర్‌రావును ఆహ్వానించినట్టు రాష్ట్ర ప్రభుత్వ ప్రొటోకాల్‌ సలహాదారు హర్కర వేణుగోపాల్‌ చెప్పారు. బంజారాహిల్స్‌ నందినగర్‌లోని కేసీఆర్‌ ఇంటికి శుక్రవారం సాయంత్రం హర్కర వెళ్లి ఆహ్వానించారు.

అనంతరం అక్కడ ఆయన మీడియాతో మాట్లాడుతూ.. సీఎం రేవంత్‌రెడ్డి ఆదేశానుసారం ప్రొటోకాల్‌ డైరెక్టర్‌ అర్విందర్‌సింగ్‌, డిప్యూటీ డైరెక్టర్‌ భేగ్‌తో కలిసి కేసీఆర్‌కు ఆహ్వానపత్రాన్ని అందజేసినట్టు చెప్పారు. తెలంగాణ రాష్ట్ర సాధనలో భాగస్వాములైన అందరినీ ఈ ఉత్సవాలకు ఆహ్వానిస్తున్నామని వేణుగోపాల్‌ తెలిపారు.