హైదరాబాద్, జనవరి 19 (నమస్తే తెలంగాణ): జీర్ణశక్తికి మేక పాలు ఎంతో శ్రేష్ఠమైనవని నిపుణులు సూచిస్తున్నారు. పోషకాలు సమృద్ధిగా ఉండే ఈ పాలలో ఆవు పాలతో సమానమైన కొవ్వు పదార్థం ఉంటుందని పేర్కొంటున్నారు. ఆవు, బర్రె పాలతో పోల్చితే తక్కువ ధర ఉండే మేక పాలు త్వరగా జీర్ణం అవుతాయని, పొట్టలో గ్యాస్, ఉబ్బర సమస్యలు రావని చెప్తున్నారు. ‘మేక పాలు కడుపులోకి వెళ్లిన తర్వాత పెరుగుగా మారుతుంది.
ఈ పెరుగు ఆవు పాలతో చేసిన పెరుగు కంటే మెత్తగా ఉంటుంది. ఆవు పాలలో 10 శాతం పెరుగు ఉంటే, మేక పాలలో 2 శాతం మాత్రమే ఉంటుంది. ఇది శరీర జీర్ణక్రియకు సహాయపడుతుంది’ అని వివరిస్తున్నారు. ప్రస్తుతం ముంబై, కోల్కతా, బెంగళూరు వంటి నగరాల్లో మేకపాలతో చేసిన ఉత్పత్తులను అధికంగా వినియోగిస్తున్నారని పేర్కొంటున్నారు.