T-Works | హైదరాబాద్ : తెలంగాణ రాష్ట్ర ప్రభుత్వం ప్రతిష్టాత్మకంగా ఏర్పాటు చేసిన టీ వర్క్స్ను చూసి ఎంతో ఇంప్రెస్ అయ్యాను అని ఫాక్స్ కాన్( Foxconn ) చైర్మన్ యంగ్ లీయు తెలిపారు. టీ వర్క్స్ ప్రారంభించిన అనంతరం అక్కడ ఏర్పాటు చేసిన సమావేశంలో యంగ్ లీయు మాట్లాడారు. హైదరాబాద్( Hyderabad )తో పాటు తెలంగాణ ఎంతో వేగంగా అభివృద్ధి చెందుతోంది అని పేర్కొన్నారు. ఇదే వేగంతో పని చేస్తే రాబోయే నాలుగేండ్లలో డబుల్ రెవెన్యూ సాధించడం ఖాయమన్నారు. ఈ ఏడేండ్లలో తెలంగాణ ఎంత అభివృద్ధి సాధించిందో సీఎం కేసీఆర్ వివరించారు. టీ వర్క్స్కి ఎస్ఎంటీ యంత్రాన్ని త్వరలోనే అందిస్తాం అని ఫాక్స్ కాన్ చైర్మన్ తెలిపారు.
హైదరాబాద్ రాయదుర్గం ఐటీ కారిడార్లో 18 ఎకరాల్లో అత్యాధునియ సదుపాయాలతో టీ వర్క్స్ను నిర్మించారు. ఈ టీ-వర్క్స్ను ఫాక్స్ కాన్ చైర్మన్ యంగ్ లియూతో కలిసి రాష్ట్ర ఐటీ, పరిశ్రమల శాఖ మంత్రి కేటీఆర్ ప్రారంభించారు. 200కు పైగా అత్యాధునిక యంత్రాల కోసం రూ.110 కోట్లు వెచ్చించారు. మరో రూ.40 కోట్ల వరకు కార్పొరేట్ సంస్థల నుంచి వచ్చే అవకాశం ఉంది. టీ-వర్క్స్ మొదటి దశ 78 వేల చదరపు అడుగుల్లో ఉంది. ఇందులోనే ఉత్పత్తుల రూపకల్పన, ఇంజినీరింగ్, ఫ్యాబ్రికేషన్, సోర్సింగ్, మెటీరియల్స్, ఇతర అంశాలపై టీ-వర్క్స్లో నిపుణులు అందుబాటులో ఉండి ఆవిష్కర్తలకు సహకరిస్తారు.