‘ప్రభుత్వ కార్యాలయాల్లో విద్యుత్తు దుర్వినియోగం’

రాష్ట్రంలో విద్యుత్తు కొరత తీవ్రమై రైతాంగం తీవ్ర ఇబ్బందులు పడుతున్న వేళ.. ప్రభుత్వ కార్యాలయాల్లో విద్యుత్తు దుర్వినియోగాన్ని అరికట్టాలని ఫోరమ్‌ఫర్‌ బెటర్‌ లివింగ్‌ డిమాండ్‌ చేసింది.

హైదరాబాద్‌, అక్టోబర్‌ 27 (నమస్తే తెలంగాణ) : రాష్ట్రంలో విద్యుత్తు కొరత తీవ్రమై రైతాంగం తీవ్ర ఇబ్బందులు పడుతున్న వేళ.. ప్రభుత్వ కార్యాలయాల్లో విద్యుత్తు దుర్వినియోగాన్ని అరికట్టాలని ఫోరమ్‌ఫర్‌ బెటర్‌ లివింగ్‌ డిమాండ్‌ చేసింది. ఈ మేరకు సంస్థ వ్యవస్థాపక కార్యదర్శి డీ వెంకటరామయ్య ప్రత్యేక ప్రధాన కార్యదర్శి (స్పెషల్‌ సీఎస్‌) నవీన్‌ మిట్టల్‌తోపాటు ఉప ముఖ్యమంత్రి పేషీలో మంగళవారం వినతిపత్రం సమర్పించారు.

ఈ సందర్భంగా ఆయన మాట్లాడుతూ.. ప్రజలకు విద్యుత్తు ఆదా చేయాలని సూచించే అధికారులు, ముందుగా వారు ఆదర్శంగా నిలవాలని కోరారు. ప్రభుత్వ కార్యాలయాల్లో విద్యుత్తు ఆడిట్‌ పద్ధతిని పకడ్బందీగా అమలు చేయాలని కోరారు.