Bakka Judson | 67వేల ఉద్యోగాల భర్తీ వివరాలేవీ.. బహిర్గతం చేయాలని బక్క జడ్సన్‌ ఆందోళన

Bakka Judson | రాష్ట్రంలో 67వేల ఉద్యోగాలు భర్తీచేశామని చెబుతున్న రేవంత్‌ సర్కార్‌ పూర్తి వివరాలు బహిర్గతం చేయాలని కాంగ్రెస్‌ మాజీ నాయకుడు బక్క జడ్సన్‌ డిమాండ్‌ చేశారు. 67,760 ఉద్యోగాలకు సంబంధించిన ఉద్యోగ నోటిఫికేషన్లు, నియామక ఉత్తర్వుల వివరాలను తేదీలవారీగా వెల్లడించాలని కోరారు.

• టీజీపీఎస్సీ ఆఫీస్‌ ఎదుట మూడు గంటలపాటు నిరసన
• అరెస్టు చేసి గోషామహల్‌ పోలీస్‌స్టేషన్‌కు తరలింపు

Bakka Judson |హైదరాబాద్‌, జూన్‌ 8 (నమస్తే తెలంగాణ) : రాష్ట్రంలో 67వేల ఉద్యోగాలు భర్తీచేశామని చెబుతున్న రేవంత్‌ సర్కార్‌ పూర్తి వివరాలు బహిర్గతం చేయాలని కాంగ్రెస్‌ మాజీ నాయకుడు బక్క జడ్సన్‌ డిమాండ్‌ చేశారు. 67,760 ఉద్యోగాలకు సంబంధించిన ఉద్యోగ నోటిఫికేషన్లు, నియామక ఉత్తర్వుల వివరాలను తేదీలవారీగా వెల్లడించాలని కోరారు. సోమవారం నాంపల్లిలోని టీజీపీఎస్సీ కార్యాలయం ఎదుట నిరసన తెలిపారు. మూడు గంటలపాటు ఆందోళనకు దిగడంతో ఆయన్ను పోలీసు లు అరెస్టు చేసి గోషామహల్‌ పోలీస్‌ స్టేషన్‌కు తరలించారు.

ఉద్యోగ నోటిఫికేషన్లు విడుదల చేయకపోవడంతో ఈ రెండు నెలల కాలంలో ఆరుగురు నిరుద్యోగులు ఆత్మహత్య చేసుకున్నారని, దీనిపై జాతీ య మానవ హక్కుల కమిషన్‌లో ఫిర్యా దు చేశామని జడ్సన్‌ పేర్కొన్నారు. నిరుద్యో గ భృతి ఏదంటూ ప్రశ్నించారు. కాంగ్రెస్‌ ప్రభుత్వం కేవలం 13,943 పోస్టులకు మాత్రమే నోటిఫికేషన్లు ఇచ్చిందని, తేదీలతో సహా ప్రదర్శించారు. 8.9% నిరుద్యోగిత రేటుతో రాష్ట్రం దేశంలోనే అగ్రభాగాన ఉన్నదని, హామీలు ఒకలా ఉంటే.. వాస్త వం మరోలా ఉన్నదని వాపోయారు.