కోర్టుకు టీఎస్‌పీఎస్సీ నిందితుల సాక్ష్యాధారాలు

టీఎస్‌పీఎస్సీ పేపర్‌ లీకేజీ కేసులో నిందితుల నుంచి సేకరించిన సాక్ష్యాధారాలను సిట్‌ శనివారం కోర్టుకు సమర్పించింది. ఫోన్లు, బ్యాంక్‌ లావాదే వీలకు సంబంధించిన పత్రాలతో పాటు ఇతర వస్తువులన్నింటినీ కోర్టుకు జమ చేసింది.

నాంపల్లి కోర్టులు, జూన్‌ 24 (నమస్తే తెలంగాణ): టీఎస్‌పీఎస్సీ పేపర్‌ లీకేజీ కేసులో నిందితుల నుంచి సేకరించిన సాక్ష్యాధారాలను సిట్‌ శనివారం కోర్టుకు సమర్పించింది. ఫోన్లు, బ్యాంక్‌ లావాదే వీలకు సంబంధించిన పత్రాలతో పాటు ఇతర వస్తువులన్నింటినీ కోర్టుకు జమ చేసింది. ప్రధాన నిందితులు పులిదిండి ప్రవీణ్‌కుమార్‌, రాజశేఖర్‌రెడ్డితో పాటు 37 మంది నిందితుల నుంచి సేకరించిన కీలక ఆధారాలను సిట్‌ అధికారులు కోర్టుకు అందజేశారు. కేసు విచారణకు కావాల్సిన ఆధారాలను, నిందితులకు ఇవ్వాల్సిన చార్జిషీట్‌ కాపీలను కూడా జతపర్చారు. 90 రోజుల ముందే సిట్‌ అధికారులు చార్జిషీట్‌ దాఖలు చేయడంతో ప్రధాన నిందితులు ప్రవీణ్‌, రాజశేఖర్‌రెడ్డి బెయిల్‌ మంజూరు విషయంలో సందిగ్ధత నెలకొంది. ఇప్పటివరకూ వీరి తరఫున కోర్టుకు బెయిల్‌ పిటిషన్లు దాఖలు కాలేదు. టీఎస్‌పీఎస్సీ ప్రశ్నపత్రాల లీకేజీ కేసులో సయ్యద్‌ మహబూబ్‌ను 7 రోజులు సిట్‌ కస్టడీకి అప్పగించాలని సిట్‌ పీపీ కృష్ణయ్య వాదనలు వినిపించారు. దీంతో నిందితుడి తరఫున కౌంటర్‌ దాఖలు చేసేందుకు సోమవారానికి మెజిస్ట్రేట్‌ ఈశ్వరయ్య వాయిదా వేశారు.