జపాన్‌లో నర్సుపోస్టుల భర్తీకి 26న ఎన్‌రోల్‌మెంట్‌

జపాన్‌ దేశంలో నర్సింగ్‌ సిబ్బంది నియామకానికి ఈ నెల 26న మహబూబ్‌నగర్‌ జిల్లాలోని వివిధ నర్సింగ్‌ కాలేజీల్లో ఎన్‌రోల్‌మెంట్‌ డ్రైవ్‌ నిర్వహిస్తున్నట్టు తెలంగాణ ఓవర్సీస్‌ మ్యాన్‌పవర్‌ కంపెనీ లిమిటెడ్‌ (టామ్‌కామ్‌) తెలిపింది.

హైదరాబాద్‌, ఆగస్టు 23(నమస్తే తెలంగాణ): జపాన్‌ దేశంలో నర్సింగ్‌ సిబ్బంది నియామకానికి ఈ నెల 26న మహబూబ్‌నగర్‌ జిల్లాలోని వివిధ నర్సింగ్‌ కాలేజీల్లో ఎన్‌రోల్‌మెంట్‌ డ్రైవ్‌ నిర్వహిస్తున్నట్టు తెలంగాణ ఓవర్సీస్‌ మ్యాన్‌పవర్‌ కంపెనీ లిమిటెడ్‌ (టామ్‌కామ్‌) తెలిపింది. జీఎన్‌ఎం డిప్లొమా ఉండి, 22 నుంచి 35 ఏండ్ల వయసున్న అభ్యర్థులు ఈ డ్రైవ్‌లో పాల్గొనవచ్చని పేర్కొన్నది.

జిల్లాలోని విజయ స్కూల్‌ ఆఫ్‌ నర్సింగ్‌-జడ్చర్ల, జాగృతి స్కూల్‌ ఆఫ్‌ నర్సింగ్‌-యెనుగొండ, మాతృభూమి స్కూల్‌ ఆఫ్‌ నర్సింగ్‌- మహబూబ్‌నగర్‌, నైటింగేల్‌ స్కూల్‌ ఆఫ్‌ నర్సింగ్‌-క్రిస్టియెన్‌ కాలనీ, నవోదయ కాలేజ్‌ ఆఫ్‌ నర్సింగ్‌-బాలాజీనగర్‌ కాలనీలో ఎన్‌రోల్‌మెంట్‌ డ్రైవ్‌ ఉంటుందని వివరించింది.