Eedupayala | ఏడుపాయలలో వైభవంగా ప్రారంభమైన దేవి శరన్నవరాత్రి ఉత్సవాలు

పవిత్ర పుణ్యక్షేత్రమైన మెదక్ జిల్లాలోని ఏడుపాయల వన దుర్గ భవాని మాత సన్నిధిలో ఆదివారం దసరా సందర్భంగా శరన్నవరాత్రి ఉత్సవాలు అత్యంత వైభవంగా ప్రారంభమయ్యాయి.

పాపన్నపేట : పవిత్ర పుణ్యక్షేత్రమైన మెదక్ జిల్లాలోని ఏడుపాయల వన దుర్గ భవాని మాత సన్నిధిలో ఆదివారం దసరా సందర్భంగా శరన్నవరాత్రి ఉత్సవాలు అత్యంత వైభవంగా ప్రారంభమయ్యాయి. మెదక్ జిల్లా అదనప కలెక్టర్ నగేష్ అమ్మవారికి పట్టు వస్త్రాలను సమర్పించి ఉత్సవాలను ఘనంగా ప్రారంభించారు. శరన్నవరాత్రి ఉత్సవాల్లో భాగంగా మొదటి రోజు అమ్మవారు బాలాత్రిపుర సుందరి దేవి(శైలపుత్రి) రూపంలో దర్శనమిచ్చారు.

వేద పండితులు మూలవిరాట్ దుర్గామాత తో పాటు, శరన్నవరాత్రి ఉత్సవాలు నిర్వహిస్తున్న గోకుల్ షెడ్ లో ఉన్న ఉత్సవ విగ్రహాన్ని సైతం బాల త్రిపుర సుందరి దేవి రూపంలో ప్రత్యేకంగా అలంకరించారు. ముందుగా అమ్మవారి ఉత్సవ విగ్రహాన్ని ఆలయం నుండి పల్లకిలో ఊరేగింపుగా తీసుకెళ్లి గోకుల్ షెడ్ లో ఉంచి ప్రత్యేక పూజలు నిర్వహించారు. ఈ నవరాత్రి ఉత్సవాలు తొమ్మిది రోజులపాటు జరగనున్నాయి. ఈ సందర్భంగా నిత్యం అన్నదాన కార్యక్రమం నిర్వహించనున్నట్లు ఆలయ ఇఓ వీరేశం వెల్లడించారు. ఈ కార్యక్రమంలో భక్తులు పెద్ద సంఖ్యలు పాల్గొన్నారు.