ఢిల్లీలో దానంకు వ్యతిరేకంగా భారీ ఫ్లెక్సీ

ఖైరతాబాద్‌ కాంగ్రెస్‌లో అంతర్గత విభేదాలు రచ్చకెక్కాయి. మాజీ ఎమ్మెల్యే దానం నాగేందర్‌కు వ్యతిరేకంగా న్యూఢిల్లీలోని తెలంగాణభవన్‌ ప్రధాన గేటు వద్ద ‘సికింద్రాబాద్‌ పార్లమెంట్‌ కాంగ్రెస్‌ పార్టీ లీడర్స్‌ అండ్‌ వర్కర్స్‌' పేరుతో భారీ ఫ్లెక్సీలను ఏర్పాటు చేశారు. ఈ పరిణామం కాంగ్రెస్‌లో కలకలం రేపుతున్నది.

• ఆయనకు టికెట్‌ ఇస్తే డిపాజిట్‌ దక్కదని హెచ్చరిక
• ఢిల్లీలో తెలంగాణభవన్‌ సాక్షిగా రచ్చకెక్కిన విభేదాలు
• ఖైరతాబాద్‌ ఉపఎన్నికల వేళ కాంగ్రెస్‌లో కలకలం

హైదరాబాద్‌, అక్టోబర్‌ 1(నమస్తే తెలంగాణ): ఖైరతాబాద్‌ కాంగ్రెస్‌లో అంతర్గత విభేదాలు రచ్చకెక్కాయి. మాజీ ఎమ్మెల్యే దానం నాగేందర్‌కు వ్యతిరేకంగా న్యూఢిల్లీలోని తెలంగాణభవన్‌ ప్రధాన గేటు వద్ద ‘సికింద్రాబాద్‌ పార్లమెంట్‌ కాంగ్రెస్‌ పార్టీ లీడర్స్‌ అండ్‌ వర్కర్స్‌’ పేరుతో భారీ ఫ్లెక్సీలను ఏర్పాటు చేశారు. ఈ పరిణామం కాంగ్రెస్‌లో కలకలం రేపుతున్నది.

సికింద్రాబాద్‌ పార్లమెంట్‌ కమిటీ పేరుతో వెలిసిన ఈ ఫ్లెక్సీలో దానం రాజకీయ వైఖరిపై తీవ్రస్థాయిలో ఆగ్రహం వ్యక్తమైంది. అసెంబ్లీ ఎన్నికల్లో బీఆర్‌ఎస్‌ తరపున గెలిచి, తర్వాత అధికారంలోకి వచ్చిన తర్వాత కాంగ్రెస్‌ గూటికి చేరిన నాగేందర్‌ను పార్టీ క్యాడర్‌ ఎంతమాత్రం ఆమోదించడం లేదని ఆ ఫ్లెక్సీలో పేర్కొన్నారు. రాబోయే రోజుల్లో ఖైరతాబాద్‌ నుంచి దానం నాగేందర్‌ మళ్లీ కాంగ్రెస్‌ అభ్యర్థిగా పోటీ చేస్తే కనీసం డిపాజిట్‌ కూడా దక్కదని హెచ్చరించారు.