Visit:
హైదరాబాద్, సెప్టెంబర్ 25 (నమస్తే తెలంగాణ): ఆరోగ్య రంగంలో ఫార్మసిస్టుల పాత్ర కీలకమని వైద్యారోగ్యశాఖ మంత్రి దామోదర రాజనర్సింహ పేర్కొన్నారు. ప్రపంచ ఫార్మసిస్టుల దినోత్సవాన్ని పురస్కరించుకుని శుక్రవారం హైదరాబాద్లోని తన నివాసంలో ఫార్మసిస్టులతో కలిసి కేట్ చేసి వారికి శుభాకాంక్షలు తెలిపారు.
ప్రజలకు సురక్షితమైన, నాణ్యమైన మందులు అందించడం, సరైన మోతాదులో మందుల వినియోగంపై అవగాహన కల్పించడంలో ఫార్మసిస్టుల సేవలు అమూల్యమని కొనియాడారు. కొవిడ్ సమయంలో ఫార్మసిస్టులు చూపిన అంకితభావం, సేవాతత్పరత చిరస్మరణీయమని ప్రశంసించారు. భవిష్యత్తులోనూ వారి సేవలు మరింత విస్తృతం కావాలని దామోదర ఆకాంక్షించారు.
