కవ్వంపల్లి సత్యనారాయణకు గుండెపోటు.. ఖండించిన ఎమ్మెల్యే

మానకొండూరు ఎమ్మెల్యే కవ్వంపల్లి సత్యనారాయణ స్వల్ప గుండెపోటుకు గురయ్యారు. రెండు రోజుల కిందట కవ్వంపల్లి అస్వస్థతకు గురయ్యారు. ఇంకా అనారోగ్యం తగ్గకపోవడంతో మంగళవారం ఉదయం హైదరాబాద్‌లోని ఓ ప్రైవేటు ఆస్పత్రిలో చేరారు. అక్కడ ఆయనకు వైద్యులు యాంజియోగ్రామ్‌ చేశారు.

మానకొండూరు ఎమ్మెల్యే కవ్వంపల్లి సత్యనారాయణ స్వల్ప గుండెపోటుకు గురయ్యారని ప్రచారం జరుగుతోంది. ఈ నేపథ్యంలో ఎమ్మెల్యే కవ్వంపల్లి ట్విట్టర్‌ (ఎక్స్‌ ) వేదికగా స్పందించారు. తనకు గుండెపోటు వచ్చిందని వస్తున్న వార్తలు అవాస్తవమని పేర్కొన్నారు. తాను ఆరోగ్యంగానే ఉన్నానని స్పష్టం చేశారు.

సాధారణ ఆరోగ్య పరీక్షల్లో భాగంగానే హాస్పిటల్‌కు వెళ్లినట్లుగా కవ్వంపల్లి సత్యనారాయణ తెలిపారు. తనపై ప్రేమ, శ్రద్ధ చూపిస్తున్న అభిమానులకు, ప్రజలకు ఈ సందర్భంగా ధన్యవాదాలు తెలిపారు.