praja palana applications | ప్రజాపాలన దరఖాస్తులపై సీఎం రేవంత్‌ రెడ్డి కీలక నిర్ణయం

praja palana applications | ప్రజాపాలను సంబంధించిన దరఖాస్తులను మరోసారి పరిశీలించాలని సీఎం రేవంత్‌ రెడ్డి ఆదేశించారు. డిప్యూటీ సీఎం భట్టి విక్రమార్క, మంత్రులు ఉత్తమ్‌ కుమార్‌ రెడ్డి, దుద్దిళ్ల శ్రీధర్‌ బాబు, పొంగులేటి శ్రీనివాస్‌రెడ్డితో కలిసి సచివాలయంలో నిర్వహించిన సమావేశమయ్యారు. కేంద్ర కేబినెట్‌ సబ్‌ కమిటీతో కలిసి ప్రజా పాలన దరఖాస్తులపై సీఎం రేవంత్‌ రెడ్డి రివ్యూ నిర్వహించారు.

praja palana applications | ప్రజాపాలను సంబంధించిన దరఖాస్తులను మరోసారి పరిశీలించాలని సీఎం రేవంత్‌ రెడ్డి ఆదేశించారు. డిప్యూటీ సీఎం భట్టి విక్రమార్క, మంత్రులు ఉత్తమ్‌ కుమార్‌ రెడ్డి, దుద్దిళ్ల శ్రీధర్‌ బాబు, పొంగులేటి శ్రీనివాస్‌రెడ్డితో కలిసి సచివాలయంలో నిర్వహించిన సమావేశమయ్యారు. కేంద్ర కేబినెట్‌ సబ్‌ కమిటీతో కలిసి ప్రజా పాలన దరఖాస్తులపై సీఎం రేవంత్‌ రెడ్డి రివ్యూ నిర్వహించారు. ప్రజా పాలన దరఖాస్తుల్లో డూప్లికేట్‌, పలు తప్పులు ఉండటంతో అర్హులైన వారు నష్టపోకుండా ఉండేందుకు దరఖాస్తులను మరోసారి పరిశీలించాలని అధికారులకు సూచించారు.

రాష్ట్రవ్యాప్తంగా గత ఏడాది డిసెంబర్ 28 నుంచి జనవరి 6వ తేదీ వరకు ప్రజాపాలన కార్యక్రమం చేపట్టారు. ఇందులో ప్రభుత్వం ప్రకటించిన అయిదు గ్యారంటీలకు అర్హులైన వారందరి నుంచి గ్రామసభలు, వార్డు సభల ద్వారా దరఖాస్తులను స్వీకరించారు. అయిదు గ్యారంటీలకు మొత్తం 1,09,01,255 దరఖాస్తులు నమోదయ్యాయి. జనవరి 12వ తేదీ నాటికే వీటికి సంబంధించిన డేటా ఎంట్రీ రికార్డు సమయంలో పూర్తి చేసినట్లు అధికారులు సీఎంకు నివేదించారు.

వచ్చిన దరఖాస్తుల్లో కొందరు ఒకే పేరుతో రెండు మూడు దరఖాస్తులు ఇచ్చారని, కొన్నింటికి ఆధార్, రేషన్ కార్డు నెంబర్లు లేవని అధికారులు వివరించారు. అలాంటి దరఖాస్తులను మరోసారి పరిశీలించాలని, అవసరమైతే క్షేత్రస్థాయికి వెళ్లి పరిశీలన జరపాలని ముఖ్యమంత్రి అధికారులకు సూచించారు. అర్హులైన వారెవరూ నష్టపోకుండా ఒకటికి రెండు సార్లు సరి చూడాలని కోరారు. దరఖాస్తుల్లో తప్పులుంటే వాటిని సరిదిద్దుకునేందుకు ఎంపీడీవో ఆఫీసుల్లో లేదా తదుపరి నిర్వహించే ప్రజా పాలన కార్యక్రమంలో మరోసారి అవకాశమిచ్చే ఏర్పాట్లు చేయాలని సీఎం సూచించారు. గ్యారంటీల అమలుకు లేని పోని నిబంధనలు పెట్టి ఎవరినీ ఇబ్బంది పెట్టవద్దని చెప్పారు. దరఖాస్తు చేసిన వారిలో అర్హులైన వారందరూ లబ్ధి పొందేలా చూడాలని అన్నారు. దరఖాస్తు చేయని వారుంటే.. నిరంతర ప్రక్రియగా మళ్లీ దరఖాస్తు చేసే అవకాశం కల్పించాలని సీఎం ఆదేశించారు.