హైదరాబాద్ : ముఖ్యమంత్రి హోదాలో ఉండి రేవంత్ రెడ్డి(CM Revanth Reddy) ప్రతిపక్షాలపై నోటికి వచ్చినట్లు మాట్లాడటం దురదృష్టకరమని ఎమ్మెల్యే పాడి కౌశిక్ రెడ్డి(MLA Kaushik Reddy) అన్నారు. శుక్రవారం మీడియా పాయింట్ వద్ద మాట్లా డుతూ..కేసీఆర్(KCR) ఇచ్చిన ఉద్యోగాలను తామే ఇచ్చినట్లు కాంగ్రెస్ ప్రభుత్వం చెప్పుకుంటుంది. నోటిఫికేషన్ ఎప్పుడు ఇచ్చారు ? భర్తీ ఎప్పుడు జరిగిందో చెప్పాలన్నారు.
కాంగ్రెస్ ప్రభుత్వం ఐదేండ్లు పనిచేయాలని బీఆర్ఎస్ కోరుకుంటుంది. కాంగ్రెస్ పార్టీలోనే మంత్రులు, ఎమ్మేల్యేలు రేవంత్కు రివర్స్ అయ్యే అవకాశం ఉందన్నారు. కాంగ్రెస్ పార్టీలో ఏక్నాథ్ షిండే అయ్యేదే రేవంత్ రెడ్డి అని పేర్కొన్నారు. ఓటుకు నోటు కేసు ట్రయల్స్ పూర్తి అయ్యాయి. మరో ఆరు నెలల్లో రేవంత్ రెడ్డి శిక్ష పడటం ఖాయమన్నారు.
రేవంత్ రెడ్డి పాతలాజికల్ లయర్, ప్రతి నిత్యం అబబ్ధాలు ఆడడమే పనిగా పెట్టుకునే వాడిని పాతాలాజికల్ లయర్ అంటారన్నారు. అంటే రోగలక్షణ అబద్ధాల కోరు అని అర్థమని చెప్పారు. హరీష్ రావు పై చేసిన వ్యాఖ్యలను ఖండిస్తున్నామన్నారు. రేవంత్ రెడ్డి అధికారం శాశ్వతం కాదని గుర్తు పెట్టుకోవాలని హితవు పలికారు.