MLA Vemula warns | కేసీఆర్ గురించి మహేష్ కుమార్ గౌడ్ అవాక్కులు, చేవాక్కులు పేలితే జాగ్రత్త : ఎమ్మెల్యే వేముల హెచ్చరిక

MLA Vemula warns | దురదృష్టవశాత్తు తెలంగాణ ఉద్యమానికి సంబంధంలేని వాళ్లు ముఖ్యమంత్రి, పీసీసీ ప్రెసిడెంట్, ఉపముఖ్యమంత్రి అయ్యారని మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి అన్నారు.

నిజామాబాద్: దురదృష్టవశాత్తు తెలంగాణ ఉద్యమానికి సంబంధంలేని వాళ్లు ముఖ్యమంత్రి, పీసీసీ ప్రెసిడెంట్, ఉపముఖ్యమంత్రి అయ్యారని మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి (MLA Vemula Prashanth Reddy ) అన్నారు.కేసీఆర్( KCR ) గురించి మహేష్ కుమార్ గౌడ్( Mahesh Kumar Goud ) అవాక్కులు, చేవాక్కులు పేలితే జాగ్రత్త అని హెచ్చరించారు.

బీఆర్‌ఎస్‌ నిజామాబాద్‌ కార్యాలయంలో ఏర్పాటు చేసిన దీక్ష దివాస్‌ ( Deeksha Diwas) సందర్భంగా ఆయన మాట్లాడారు. కేసీఆర్ ఉద్యమం చేసినా రోజు, విద్యార్థులు బలిదానమైన రోజు మహేష్ కుమార్ గౌడ్ ఎక్కడున్నాడని ప్రశ్నించారు. ఇది తెలంగాణ ప్రజలు చేసుకున్న దురదృష్టమని వ్యాఖ్యనించారు.

కేసీఆర్ చేపట్టిన దీక్షతోనే తెలంగాణ వచ్చిందని పేర్కొన్నారు.2009 నవంబర్ 9న కేసీఆర్ దీక్ష ఫలితంగా కేంద్రం ప్రకటన చేసిందని గుర్తు చేశారు.తెలంగాణ రాష్ట్రానికి కేసీఆర్‌ జాతిపిత అని, తెలంగాణ ప్రజల కోసం ప్రాణాన్ని సైతం పనంగా పెట్టిన వ్యక్తని కొనియాడారు.

15 సంవత్సరాల పాటు అన్ని పదవులు వదిలేసి స్వచ్ఛందంగా ఒక్కడిగా తెలంగాణ ఉద్యమ కోసం బయలు దేరారని అన్నారు. వేలాదిమంది విద్యార్థుల బలిదానాలకు కారణమైన సోనియాగాంధీకి పూలమాలలు ఎందుకు వేయాలో చెప్పాలని మహేష్ కుమార్ గౌడ్‌కు డిమాండ్‌ చేశారు.