High Court | నవరత్న ఆయిల్‌, గోల్డ్‌ టర్మరిక్‌ క్రీమ్‌ ఔషధాలే.. తేల్చిచెప్పిన హైకోర్టు

హిమానీ, ఇమామీ కంపెనీలకు చెందిన నవరత్న ఆయిల్‌, గోల్డ్‌ టర్మరిక్‌ ఆయుర్వేదిక్‌ క్రీమ్‌ ఔషధ ఉత్పత్తుల క్యాటగిరీలోకే వస్తాయని హైకోర్టు తేల్చిచెప్పింది.

• High Court | హైదరాబాద్‌, జూలై 13 (నమస్తే తెలంగాణ): హిమానీ, ఇమామీ కంపెనీలకు చెందిన నవరత్న ఆయిల్‌, గోల్డ్‌ టర్మరిక్‌ ఆయుర్వేదిక్‌ క్రీమ్‌ ఔషధ ఉత్పత్తుల క్యాటగిరీలోకే వస్తాయని హైకోర్టు తేల్చిచెప్పింది. వాటితోపాటు బోరోప్లస్‌ యాంటీ సెప్టిక్‌ క్రీమ్‌, బోరో ప్లస్‌ ప్రిక్లీహీట్‌ పౌడర్‌, సోనా చండీ చవన్‌ప్రాశ్‌ లాంటి ఉత్పత్తులు కూడా ఔషధ ఉత్పత్తుల పరిధిలోకే వస్తాయని స్పష్టం చేసింది.

అవి సౌందర్య ఉత్పత్తుల క్యాటగిరీలోకి వస్తాయన్న వాదనను తోసిపుచ్చుతూ.. ఔషధ ఉత్పత్తులపై వసూ లు చేసే జీఎస్టీనే వాటికీ వర్తింపజేయాలని జస్టిస్‌ పీ శ్యాంకోశీ, జస్టిస్‌ ఎన్‌ తుకారాంజీ ధర్మాసనం ఇటీవల తీర్పు వెలువరించింది. త ద్వారా 20 ఏండ్ల నుంచి కొనసాగుతున్న వివాదానికి తెర దించింది.