Visit:
పాపన్నపేట : అన్నా చెల్లెళ్లు, అక్కా తమ్ముళ్ల అనుబంధానికి ప్రతీక అయిన రాఖీ పౌర్ణమి( Rakhi) పర్వదినాన ఓ ఆత్మీయ దృశ్యం పాపన్నపేటలో ఆవిష్కృతమైంది. ప్రజల రక్షణలో భాగంగా విధులు నిర్వహిస్తున్న మెదక్ జిల్లా పాపన్నపేట బ్లూకోట్ పోలీసులకు(Blue Colt police) ఓ సోదరి రాఖీ కట్టి పోలీసులపై తనకున్న అభిమానాన్ని, చాటుకున్నారు.
“చెల్లికి అన్న రక్షణ.. సమాజానికి పోలీస్ రక్షణ” అంటూ పోలీసులకు రాఖీ కట్టి ఆమె రాఖీ పౌర్ణమి శుభాకాంక్షలు తెలిపారు. కుటుంబ సభ్యులకు దూరంగా ఉన్నప్పటికీ పండగ రోజున సైతం ప్రజల భద్రత కోసం విధులు నిర్వహిస్తున్న పోలీసుల సేవలు అభినందనీయమని ఆమె పేర్కొన్నారు. కుటుంబానికి దూరంగా ఉంటు విధులు నిర్వహిస్తున్న తమకు ఒక సోదరి ప్రేమాభిమానంతో రాఖీ కట్టడం పట్ల వారు సంతోషం వ్యక్తం చేశారు.
