Electric shock | జోగులాంబ గద్వాల జిల్లాలో విషాదం.. కరెంట్‌ షాక్‌తో కౌలు రైతు మృతి

Electric shock | విద్యుదాఘాతంతో( Electric shock) ఓ రైతు మృతి(Farmer died) చెందిన సంఘటన జోగుళాంబ గద్వాల జిల్లాలో చోటు చేసుకున్నది.

జోగుళాంబ గద్వాల : విద్యుదాఘాతంతో( Electric shock) ఓ రైతు మృతి(Farmer died) చెందిన సంఘటన జోగులాంబ గద్వాల జిల్లాలో చోటు చేసుకున్నది. స్థానికుల కథనం మేరకు.. ఉండవెల్లి మండలం మారమునగాల-2కు చెందిన ఒనూరు బాషా (45)కు భార్య షాలీబీతోపాటు ఇద్దరు కుమారులు, కూతురు ఉన్నారు. కుటుంబంతో కలిసి గ్రామంలోనే ఉంటూ వ్యవసాయం చేస్తున్నాడు. తనకున్న ఆరెకరాలతోపాటు అదనంగా పొలాన్ని కౌలుకు తీసుకొని పంటలు పండిస్తున్నాడు.

ఈ ఏడాది వర్షాలు పలుకరించగా.. వేణుగోపాల్‌రెడ్డికి చెందిన 10 ఎకరాల భూమిని రూ.లక్షా 50 వేలకు కౌలుకు తీసుకున్నాడు. గురువారం కౌలు పొలం దున్నేందుకు బాషా తన కొడుకు షేక్షావలీ, ట్రాక్టర్‌ డ్రైవర్‌ రాజుతో కలిసి వెళ్లాడు. దుక్కి దున్నే క్రమంలో వేలాడుతున్న విద్యుత్‌ తీగలు ట్రాక్టర్‌కు తగిలే అవకాశం ఉండంతో కట్టె సాయంతో వైర్లను పైకిలేపాడు.

అదే సమయంలో త్రీఫేస్‌లోని ఒక తీగ తెగి బాషా చేతిపై పడడంతో షాక్‌కు గురయ్యాడు. కుటుంబసభ్యులు వెంటనే అతన్ని ఏపీలోని కర్నూల్‌ దవాఖానకు తరలించగా.. అప్పటికే మృతి చెందినట్లు వైద్యులు నిర్ధారించారు. బాషా మృతితో గ్రామంలో విషాదఛాయలు అలముకున్నాయి.