Jupally Krishna Rao | మంత్రి జూపల్లి బాత్రూం రిపేర్‌కు రూ. కోటి.. అప్పు పుట్టడం లేదంటూనే సర్కార్ దుబారా !

Jupally Krishna Rao | ఖజానా ఖాళీ అయింది.. ఎక్కడా చిల్లిగవ్వ అప్పు కూడా పుట్టడం లేదంటున్న ప్రభుత్వం.. మరోవైపు మంత్రుల నివాసాల విలాసాలకు మాత్రం రూ.కోట్లలో ఖర్చు చేస్తుండటం విమర్శలకు తావిస్తున్నది.

Jupally Krishna Rao | హైదరాబాద్‌, అక్టోబర్‌ 13(నమస్తే తెలంగాణ) : ఖజానా ఖాళీ అయింది.. ఎక్కడా చిల్లిగవ్వ అప్పు కూడా పుట్టడం లేదంటున్న ప్రభుత్వం.. మరోవైపు మంత్రుల నివాసాల విలాసాలకు మాత్రం రూ.కోట్లలో ఖర్చు చేస్తుండటం విమర్శలకు తావిస్తున్నది. ఎక్సైజ్‌ శాఖ మంత్రి జూపల్లి కృష్ణారావు అధికారిక నివాసంలో బాత్రూమ్‌లు, ఇతర భవన మరమ్మతుల కోసం ఏకంగా రూ.92,63,371 ఖర్చు చేసేందుకు ఆర్‌అండ్‌బీ టెండర్లు పిలువడం చర్చనీయాంశమైంది.

ఒక మంత్రి నివాసంలో సదుపాయాల కోసం కోటి రూపాయల ప్రజాధనాన్ని నీళ్లలా ఖర్చు చేయడం ఎంతవరకు సమంజసమని ప్రజలు ప్రశ్నిస్తున్నారు. సంక్షేమ పథకాలు, అత్యవసర అభివృద్ధి పనులకు నిధులు సర్దుబాటు చేయలేక, ఉద్యోగుల రిటైర్మెంట్‌ ప్రయోజనాలకు ఎగనామం పెడుతున్న ప్రభుత్వం.. మంత్రుల లగ్జరీ లివింగ్‌ కోసం ప్రజాధనాన్ని దుబారా చేయడం ముమ్మాటికీ ప్రజాద్రోహమేనని విపక్షాలు మండిపడుతున్నాయి.