షాకింగ్ న్యూస్ ! ఇత‌రుల‌కు సాయం చేస్తే గుండెజ‌బ్బులు రావు

December 12, 2021 / 07:26 AM IST

Heart diseases | కష్టాలు మనుషులకు కాక మానులకొస్తాయా? అని సరిపెట్టుకుంటే చాలదు. వాటిని ఎదుర్కొంటే కానీ బతుకు ముందుకు సాగదు. విజయం సాధ్యపడదు. మరి ఈ పోరులో సాయపడేది ఎవరు? ఇంకెవరు… సాటి మనుషులే! అందులోనూ కొంతమంది ఎవరికి ఏ కష్టం వచ్చినా సాయానికి ముందుంటారు. ఇలాంటి వాళ్లను చూస్తే మనకు భరోసాగా అనిపించే మాట నిజమే. కానీ అవతలి వ్యక్తికి దీని వల్ల లాభం ఏమైనా ఉందా అనే ఆలోచన వచ్చింది ఓహియో విశ్వవిద్యాలయ పరిశోధకులకు. దాంతో ఒక వెయ్యి మందికి పైగా అభ్యర్థులను ఎంచుకుని వారి నుంచి ఇంటర్‌ల్యూకిన్‌-6 అనే ప్రొటీను సేకరించారు. అదే సమయంలో వారి స్వభావాన్ని వెల్లడించే వివరాలను కూడా సేకరించారు. రెండేండ్ల తర్వాత తిరిగి వారి ఇంటర్‌ల్యూకిన్‌-6 స్థాయిని పరిశీలించారు (క్యాన్సర్‌, గుండెజబ్బులు లాంటి సమస్యలకూ ఈ ప్రొటీన్‌ ఉత్పత్తికీ మధ్య సంబంధం ఉంటుంది). ఆశ్చర్యంగా ఇతరులకు సాయం చేసే అలవాటు ఉన్నవారిలో ఈ ప్రొటీన్‌ అదుపులో ఉన్నట్టు తేలింది. ఇతరులకు సాయపడే మానసిక ైస్థెర్యం, తనకి కష్టం వస్తే వాళ్లు తిరిగి సాయపడతారనే నమ్మకం ఒత్తిడిని తగ్గిస్తాయనీ… ఫలితంగా ఆరోగ్యం బాగుంటుందని నిర్ధరిస్తున్నారు పరిశోధకులు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి