Customized Bridal Ware | సుముహూర్తానికి ఈ మామిడిపిందెల అంచు చీర కట్టుకో! నెమలి కన్నుల అంచు చూడు ఎంత ముచ్చటగా ఉందో!! కంచిపట్టు అని ఒకరు.. ధర్మవరం అని మరొకరు.. పెండ్లితంతులో వధూవరులు ధరించే దుస్తులకు ఉన్న డిమాండ్ అలాంటిది. కాలం మారింది, పట్టుచీరల స్థానంలో లెహంగాలు దర్జాగా వచ్చి చేరాయి. ‘కస్టమైజ్డ్ బ్రైడల్ వేర్’ పేరుతో ప్రేమ మొగ్గ తొడిగింది మొదలు.. పెండ్లిపీటలు ఎక్కే వరకు జరిగిన మరపురాని మధుర స్మృతులను మనోహర దృశ్యకావ్యంగా డిజైన్ చేస్తున్నారు.
నిధి దోకానియాది బెంగళూరు. ఆమె పెండ్లికి తల్లి ఓ అపురూపమైన బహుమతి అందించింది. అత్తారింటికి వెళ్తున్న కూతురుకు కొండంత దీవెనలు అండగా ఉండాలని బంధుగణం ఆశీస్సులతో పెండ్లి దుస్తులు డిజైన్ చేయించింది. లెహంగాకు జోడీగా వేసుకునే దుపట్టాపై కుటుంబసభ్యుల దీవెనలను ఎంబ్రాయిడరీ చేయించి కొత్తజోడీకి కొంగొత్త అనుభూతిని కలిగించింది. ‘అమ్మ అందించిన ఈ అపురూప కానుకను జీవితాంతం పదిలంగా దాచుకుంటాన’ని నిధి పొంగిపోయింది. పెండ్లి దుస్తులపై నవ దంపతుల పేర్లు, పుట్టింటి ముచ్చట్లు, పెండ్లి తేది, పెండ్లినాటి ప్రమాణాలనూ ఎంబ్రాయిడరీ చేయిస్తూ ఇష్టమైజ్డ్ మధుపర్కాలను ధరిస్తున్నారు ఈ తరం జంటలు.
గురుగ్రామ్కు చెందిన సువన్య పెండ్లికి ధరించిన లెహంగా సోషల్ మీడియాలో వైరల్ అయింది. సువన్య తండ్రి కొన్నేండ్ల కిందటే మరణించాడు. కన్నతండ్రి సమక్షంలో పెండ్లి జరిగే అవకాశం లేదు. తండ్రి తనకు రాసిన చివరి లేఖలోని ప్రతి అక్షరాన్నీ సువన్య తన దుపట్టాపై లిఖించింది. ఆయన దస్తూరీ శైలిలోనే ఎంబ్రాయిడరీ చేయించింది. ‘ఆ దుపట్టా ధరించి పెండ్లిపీటలు ఎక్కినప్పుడు, నాన్న దగ్గరుండి నా పెండ్లి చేయించాడన్న అనుభూతి కలిగింది’ అని చెప్పుకొచ్చింది సువన్య.
బాలీవుడ్ నటి కత్రినాకైఫ్ తన పెండ్లిలో ధరించిన లెహంగాను రాహుల్ లూథ్రా డిజైన్ చేశారు. బైబిల్లోని కొన్ని వాక్యాలను దానిపై ఎంబ్రాయిడరీ చేయించుకుంది కత్రినా. అలాగే నటి పద్మిని కొల్హాపురీ కోడలు షాజా మొరానీ తన 16 ఏండ్ల ప్రేమకథను పెండ్లి దుస్తులపై డిజైన్ చేయించుకుంది. ఈ విషయం చివరి నిమిషం వరకు కాబోయే భర్తకు తెలియకుండా ప్లాన్ చేసింది మొరానీ.
కస్టమర్లకు నచ్చినట్టు పెండ్లి దుస్తులను రూపుదిద్దే డిజైనర్లు, తమ పెండ్లికి మాత్రం మామూలుగా ఉంటారా? మరింత సృజనాత్మకంగా బ్రైడల్ వేర్ను డిజైన్ చేసుకుంటున్నారు. ప్రముఖ డిజైనర్ సబాహ్ షేక్ తన పెండ్లి వేడుకలో కశ్మీరీ ైస్టెల్ బెల్ బాటమ్ ప్యాంట్, కుర్తా, దుపట్టా ధరించింది. దానికి తగ్గ ముత్యాల జువెలరీతో ఎంతో అందంగా ముస్తాబైంది. తన కుర్తాపై వధూవరులిద్దరి పేర్లూ ఎంబ్రాయిడరీతో డిజైన్ చేయించింది సబాహ్. అలాగే డిజైనర్ క్రేశా బజాజ్ పెండ్లికి ధరించిన లెహెంగాపై తమ ప్రేమకథను అందంగా అల్లింది. కాబోయే జీవిత భాగస్వామితో కలిసి తిరిగిన ప్రదేశాలను లెహెంగాపై ప్రాణప్రతిష్ఠ చేసి ‘ఔరా!’ అనిపించుకుంది.
“ఎండాకాలంలో పెండ్లి కూతుళ్లు అందంగా కనిపించాలంటే ఇలా చేస్తే సరి!!”
“Langa Voni Fashion | పెండ్లిళ్ల సీజన్లో సంప్రదాయ లంగా ఓణీలదే హవా !!”
“Baggy Pants | అప్పట్లో కుర్రకారును ఉర్రూతలూగించిన ట్రెండ్ మళ్లీ వచ్చేసింది”
ఎంబ్రాయిడరీ, మగ్గం వర్క్లే కాదు.. ఇప్పుడు త్రీడీ డిజైన్లు కూడా వచ్చేశాయ్”