ఫైనల్‌కు కాజల్‌, నీలమ్‌

వరల్డ్‌ రెజ్లింగ్‌ చాంపియన్‌షిప్స్‌లో భారత యువ రెజ్లర్లు కాజల్‌ ధోచక్‌, నీలమ్‌ సిరోహి ఫైనల్‌ చేరి చరిత్ర సృష్టించారు. ఈ టోర్నీ చరిత్రలో ఒకే ఎడిషన్‌లో ఇద్దరు భారత మహిళా రెజ్లర్లు ఫైనల్‌ చేరడం ఇదే మొదటిసారి. 18 ఏండ్ల కాజల్‌ మహిళల 76 కిలోల సెమీస్‌ పోరులో 10-7తో ఐపెరి మెడెట్‌ కిజి (కిర్గిస్థాన్‌)ను ఓడించింది.

అస్తానా: వరల్డ్‌ రెజ్లింగ్‌ చాంపియన్‌షిప్స్‌లో భారత యువ రెజ్లర్లు కాజల్‌ ధోచక్‌, నీలమ్‌ సిరోహి ఫైనల్‌ చేరి చరిత్ర సృష్టించారు. ఈ టోర్నీ చరిత్రలో ఒకే ఎడిషన్‌లో ఇద్దరు భారత మహిళా రెజ్లర్లు ఫైనల్‌ చేరడం ఇదే మొదటిసారి. 18 ఏండ్ల కాజల్‌ మహిళల 76 కిలోల సెమీస్‌ పోరులో 10-7తో ఐపెరి మెడెట్‌ కిజి (కిర్గిస్థాన్‌)ను ఓడించింది. 50 కేజీల కేటగిరీ సెమీస్‌లో నీలమ్‌ 7-3తో జీనెప్‌ బయనోవ (కజకిస్థాన్‌)పై గెలిచి స్వర్ణ పోరుకు దూసుకెళ్లింది. 2021 ఎడిషన్‌లో అన్షు మాలిక్‌ ఫైనల్‌ చేరి రజతం నెగ్గడమే ఈ టోర్నీలో ఇప్పటిదాకా భారత అత్యుత్తమ ప్రదర్శన. కాగా, 65 కిలోల సెమీస్‌లో ఓడిన రంజిత కాంస్యం కోసం పోటీ పడనుంది.