FIFA World Cup : ఫిఫా వరల్డ్ కప్లో తొలి సెమీఫైనల్ ఈరోజు జరగనుంది. అర్జెంటీనా, క్రొయేషియా జట్టు ఫైనల్ బెర్తు కోసం పోటీపడనున్నాయి. ఇరుజట్లు ఈ మ్యాచ్ను సవాల్గా తీసుకున్నాయి. దాంతో సెమీ ఫైనల్ హోరాహోరీగా ఉండనుంది. ఈ మ్యాచ్లో తమకు ఫామ్లో లియోనల్ మెస్సీతో ఇబ్బందులు ఎదురయ్యే అవకాశం ఉందని క్రొయేషియా జట్టు కెప్టెన్ అన్నాడు. ‘అవును.. మెస్సీతో ప్రమాదమే. అయినా మేము సిద్ధంగా ఉన్నాం. మ్యాచ్ గెలిచేందుకు సర్వశక్తులు ఒడ్డుతాం’ అంటూ లుకా మోడ్రిక్ స్పందించాడు. అంతేకాదు ‘మెస్సీ చాలా పెద్ద అటగాడు. అతను అర్జెంటీనా టీమ్ ఉత్తమ ఆటగాడు. అతడిని నిలువరించే క్రమంలో మాకు చాలా కష్టాలు ఎదురువుతాయి. అయినా మా ప్రణాళికలు మాకు ఉన్నాయి’ అంటూ లుకా విజయంపై ధీమా వ్యక్తం చేశాడు. రియల్ మాడ్రిడ్ క్లబ్ తరఫున ఆడిన లుకా మిడ్ ఫీల్డర్గా ఆరితేరాడు.
క్రొయేషియా జట్టు అద్భుత ప్రదర్శనతో సెమీఫైనల్లో అడుగుపెట్టింది. క్వార్టర్ ఫైనల్లో టైటిల్ ఫేవరెట్ అయిన బ్రెజిల్పై షూటౌట్లో4-2తో విజయం సాధించింది. మెస్సీ కెప్టెన్సీలో అర్జెంటీనా క్వార్టర్ ఫైనల్లో నెదర్లాండ్స్ను పెనాల్టీ షూట్లో 4-3తో ఓడించింది. రెండో సెమీఫైనల్ ఫ్రాన్స్, మొరాకో మధ్య గురువారం జరగనుంది.