Visit:
సియాటెల్: ప్రపంచకప్లో ఆతిథ్య దేశం అమెరికా కథ ప్రిక్వార్టర్స్లోనే ముగిసింది. రౌండ్ ఆఫ్-16లో బెల్జియం4-1తో యూఎస్ఏను చిత్తుగా ఓడించి క్వార్టర్స్కు ప్రవేశించింది. గత మ్యాచ్లో రెడ్కార్డ్ వచ్చినా అమెరికా అధ్యక్షుడు డొనాల్డ్ ట్రంప్ జోక్యంతో ఆ నిర్ణయాన్ని రద్దుచేసుకుని మరీ బెల్జియంతో మ్యాచ్ బరిలోకి దిగిన యూఎస్ఏ ‘తురుపుముక్క’ ఫొలారిన్ బలోగన్ ఏమాత్రం ప్రభావం చూపలేకపోయాడు. ఏకపక్షంగా సాగిన పోరులో బెల్జియం దెబ్బకు ఆతిథ్య జట్టు బిత్తరపోయింది.
ఆట మొదలైన 9వ నిమిషంలోనే బెల్జియం స్టార్ చార్ల్స్ డి కెటాలార తొలి గోల్ కొట్టాడు. 31వ నిమిషంలో గోల్తో మాలిక్ టిల్మన్ స్కోర్లను సమం చేసినా మరో రెండు నిమిషాలకే కెటాలార మళ్లీ మ్యాజిక్ చేసి తన జట్టును 2-1 ఆధిక్యానికి తీసుకెళ్లాడు. ఇక సెకండాఫ్లో హ్యాన్స్ వనకెన్ (57వ), రొమెలు లుకాకు (90+3వ) తలా గోల్ కొట్టి వార్ వన్సైడ్ చేసేశారు.
