BBL 2023 | డిసెంబ‌ర్‌లో బిగ్‌బాష్ లీగ్ 13 సీజ‌న్.. రెండోసారి అదే జ‌ట్టుకు క‌మిటైన స్మిత్

BBL 2023 : ఆస్ట్రేలియా స్టార్ బ్యాట‌ర్ స్టీవ్ స్మిత్(Steve Smith) ప్ర‌తిష్ఠాత్మ‌క బిగ్‌బాష్ లీగ్ 13వ సీజ‌న్‌కు సిద్ధ‌మ‌వుతున్నాడు. ఈ స్టార్ ప్లేయ‌ర్ ఈసారి కూడా సిడ్నీ సిక్స‌ర్స్(Sydney Sixers) జ‌ట్టు త‌ర‌ఫున బ‌రిలోకి దిగ‌నున్నాడు. ఈ విష‌యాన్ని అత‌డే స్వ‌యంగా వెల్ల‌డించాడు. 'మ‌రోసారి సిడ్నీ సిక్స‌ర్స్ జెర్సీ వేసుకోబోతున్నందుకు...

November 27, 2023 / 02:37 PM IST

BBL 2023 | డిసెంబ‌ర్‌లో బిగ్‌బాష్ లీగ్ 13 సీజ‌న్.. రెండోసారి అదే జ‌ట్టుకు క‌మిటైన స్మిత్

BBL 2023 : ఆస్ట్రేలియా స్టార్ బ్యాట‌ర్ స్టీవ్ స్మిత్(Steve Smith) ప్ర‌తిష్ఠాత్మ‌క బిగ్‌బాష్ లీగ్ 13వ సీజ‌న్‌కు సిద్ధ‌మ‌వుతున్నాడు. ఈ స్టార్ ప్లేయ‌ర్ ఈసారి కూడా సిడ్నీ సిక్స‌ర్స్(Sydney Sixers) జ‌ట్టు త‌ర‌ఫున బ‌రిలోకి దిగ‌నున్నాడు. ఈ విష‌యాన్ని అత‌డే స్వ‌యంగా వెల్ల‌డించాడు. ‘మ‌రోసారి సిడ్నీ సిక్స‌ర్స్ జెర్సీ వేసుకోబోతున్నందుకు చాలా గొప్ప‌గా అనిపిస్తోంది. సిక్స‌ర్స్‌తో ఆడిన రోజుల్లో ఎన్నో మ‌ర్చిపోలేని జ్ఞాపకాలు ఉన్నాయి. నిరుడు ఫైన‌ల్‌తో క‌లిపి ఐదు లేదా ఆరు మ్యాచులే ఆడినా గొప్ప సంతృప్తి అనిపించింది’ అని స్మిత్ తెలిపాడు.

బీబీఎల్ 13వ సీజ‌న్ డిసెంబ‌ర్ 7న మొద‌లై జ‌న‌వ‌రి 24న ముగియ‌నుంది. నిరుడు టీ20 వ‌ర‌ల్డ్ క‌ప్‌లో విఫ‌ల‌మైన స్మిత్ బిగ్‌బాష్ లీగ్‌లో దంచికొట్టాడు. కేవ‌లం ఐదు ఇన్నింగ్స్‌ల్లోనే రెండు సూప‌ర్ సెంచ‌రీతో క‌లిపి 346 ప‌రుగులు సాధించాడు. దాంతో, ఈ టోర్నీలో సిడ్నీ సిక్స‌ర్ త‌ర‌ఫున సెంచ‌రీ బాదిన తొలి క్రికెట‌ర్‌గా స్మిత్ రికార్డు నెల‌కొల్పాడు.

స్టీవ్ స్మిత్

Smith F

బీబీఎల్ 13వ ఎడిష‌న్‌లో స్మిత్ ఓపెన‌ర్‌గా బ‌రిలోకి దిగే చాన్స్ ఉంది. ప్ర‌స్తుతం భార‌త్‌తో ఐదు టీ20ల సిరీస్‌లో ఈ స్టార్ బ్యాట‌ర్ మాథ్యూ షార్ట్‌తో క‌లిసి ఓపెనింగ్ చేస్తున్నాడు. సిడ్నీ సిక్స‌ర్స్ మేనేజ్‌మెంట్, అభిమానుల‌కు బ్యాడ్ న్యూస్ ఏంటంటే..? టోర్నీ మ‌ధ్య‌లోనే స్మిత్ పాకిస్థాన్‌తో టెస్టు సిరీస్ కోసం జ‌ట్టుతో క‌లువ‌నున్నాడు. బీబీఎల్ 13వ సీజ‌న్ తొలి మ్యాచ్‌లో సిడ్నీ డిసెంబ‌ర్ 8న మెల్‌బోర్న్ రెనెగ్రేడ్స్‌తో త‌ల‌ప‌డ‌నుంది. ఆ త‌ర్వాత వారం లోపే (డిసెంబ‌ర్ 14న) పాక్‌తో ఆసీస్ టెస్టు సిరీస్ షురూ కానుంది.