ఫ్రెంచ్‌ ఓపెన్‌ టాప్‌లో శ్రీహరి

ఫ్రాన్స్‌ వేదికగా జరుగుతున్న ఫ్రెంచ్‌ ఎలైట్‌ ఓపెన్‌ స్విమ్మింగ్‌ చాంపియన్‌షిప్‌లో భారత యువ స్విమ్మర్‌ శ్రీహరి నటరాజన్‌ ఆకట్టుకున్నాడు. గురువారం జరిగిన పురుషుల 100మీటర్ల బ్యాక్‌స్ట్రోక్‌ ‘బి’ ఫైనల్లో శ్రీహరి 55.28సెకన్ల టైమింగ్‌తో టాప్‌లో నిలిచాడు.

న్యూఢిల్లీ: ఫ్రాన్స్‌ వేదికగా జరుగుతున్న ఫ్రెంచ్‌ ఎలైట్‌ ఓపెన్‌ స్విమ్మింగ్‌ చాంపియన్‌షిప్‌లో భారత యువ స్విమ్మర్‌ శ్రీహరి నటరాజన్‌ ఆకట్టుకున్నాడు. గురువారం జరిగిన పురుషుల 100మీటర్ల బ్యాక్‌స్ట్రోక్‌ ‘బి’ ఫైనల్లో శ్రీహరి 55.28సెకన్ల టైమింగ్‌తో టాప్‌లో నిలిచాడు. ఈ ఏడాది బరిలోకి దిగిన తొలి అంతర్జాతీయ టోర్నీలోనే నటరాజన్‌ మెరుగైన ప్రదర్శన కనబరిచాడు. ప్రీలిమినరీ రౌండ్‌లో ఈ 21 ఏండ్ల యువ స్విమ్మర్‌ 55.88సెకన్లలో పూర్తి చేశాడు. మొత్తం 46 మంది స్విమ్మర్లు పోటీపడ్డ రేసులో ‘బి’టాప్‌లో నిలిచిన శ్రీహరి..‘ఎ’ఫైనల్‌కు అర్హత సాధించలేకపోయాడు. బెంగళూరుకు చెందిన ఈ స్విమ్మర్‌ ఈ విభాగంలో 53.77 టైమింగ్‌తో గతేడాది వ్యక్తిగత అత్యుత్తమ ప్రదర్శన కనబరిచాడు. మరోవైపు మహిళల 50మీటర్ల బ్యాక్‌స్ట్రోక్‌లో ఒలింపియన్‌ మనా పటేల్‌ 30.17సెకన్లతో 25వ స్థానంలో నిలిచి నిరాశపరిచింది.