Srilanka | వన్డే ప్రపంచ కప్ క్వాలిఫయింగ్ టోర్నీలో శ్రీలంక జోరు.. పాయింట్ల పట్టికలో టాప్ !

వన్డే ప్రంపచకప్‌ క్వాలిఫయింగ్‌ టోర్నీలో దుమ్మురేపుతున్న శ్రీలంక.. సూపర్‌ సిక్స్‌ ఐదో మ్యాచ్‌లోనూ విజయం సాధించింది. శుక్రవారం జరిగిన పోరులో లంక 8 వికెట్ల తేడాతో వెస్టిండీస్‌ను చిత్తుచేసింది.

Srilanka | హరారే: వన్డే ప్రంపచకప్‌ క్వాలిఫయింగ్‌ టోర్నీలో దుమ్మురేపుతున్న శ్రీలంక.. సూపర్‌ సిక్స్‌ ఐదో మ్యాచ్‌లోనూ విజయం సాధించింది. శుక్రవారం జరిగిన పోరులో లంక 8 వికెట్ల తేడాతో వెస్టిండీస్‌ను చిత్తుచేసింది. మొదట విండీస్‌ 48.1 ఓవర్లలో 243 పరుగులకు ఆలౌటైంది. కార్టీ (87) టాప్‌ స్కోరర్‌ కాగా.. లంక బౌలర్లలో తీక్షణ 4 వికెట్లు పడగొట్టాడు. అనంతరం లక్ష్యఛేదనలో లంక 44.2 ఓవర్లలో 2 వికెట్ల నష్టానికి 244 పరుగులు చేసింది.

పాతుమ్‌ నిషాంక (104; 14 ఫోర్లు) శతక్కొట్టగా.. దిముత్‌ కరుణరత్నె (83) రాణించాడు. ఈ టోర్నీ సూపర్‌ సిక్స్‌లో ఆడిన 5 మ్యాచ్‌ల్లోనూ నెగ్గిన లంక 10 పాయింట్లతో పట్టిక అగ్రస్థానంలో నిలిచింది. ఇప్పటికే వన్డే ప్రపంచకప్‌ బెర్త్‌ ఖరారు చేసుకున్న శ్రీలంక, నెదర్లాండ్స్‌ మధ్య ఆదివారం క్వాలిఫయింగ్‌ టోర్నీ ఫైనల్‌ జరుగనుంది.