SRH vs DC : ఐపీఎల్ చరిత్రను బద్ధలు కొట్టిన సన్రైజర్స్ హైదరాబాద్ బ్యాటర్లు ఈసారి ఢిల్లీ క్యాపిటల్స్ బౌలర్లను ఊచకోత కోస్తున్నారు. ఓపెనర్ ట్రావిస్ హెడ్(61) సిక్సర్ల మోతతో హాఫ్ సెంచరీ బాదేశాడు. కేవలం 16 బంతుల్లోనే హెడ్ అర్థ శతకం నమోదు చేశాడు. మరో ఎండ్లో అభిషేక్ శర్మ(21) దంచుతున్నాడు. దాంతో, హైదరాబాద్ 3 ఓవర్లకే 62 రన్స్ బాదింది.
టాస్ గెలిచి బ్యాటింగ్ తీసుకున్న ఢిల్లీకి తాము ఎంతపెద్ద తప్పు చేసిందో తెలిసొచ్చింది. తొలి ఓవర్ నుంచే సిక్సర్ల వేట మొదలెట్టిన హెడ్.. ఆ తర్వాత లలిత్ యాదవ్ను చితక్కొట్టాడు. కేవలం 16 బంతుల్లోనే యాభైకి చేరి ఈ సీజన్లో ఫాస్టెస్ట్ ఫిఫ్టీ సాధించాడు.