UEFA Nations League : వరల్డ్ చాంపియన్ స్పెయిన్(Spain) జట్టు 11 ఏళ్ల ట్రోఫీ కల ఎట్టకేలకు సాకారమైంది. ఆ జట్టు యూఈఎఫ్ఏ నేషన్స్ లీగ్(UEFA Nations League 2022-23) చాంపియన్గా అవతరించింది. నెదర్లాండ్స్లోని డి కూప్(De Kuip) స్టేడియంలో జరిగిన ఫైనల్లోక్రొయేషియా(Croatia)ను చిత్తు చేసి ట్రోఫీ సొంతం చేసుకుంది. ఉత్కంఠ రేపిన షూటౌట్లో 5-4తో గెలుపొందింది. 2012లో యూఈఎఫ్ఏ యూరో చాంపియన్షిప్లో స్పెయిన్ కప్పు ఎగరేసుకుపోయింది. ఇటలీ జట్టు మూడో స్థానంలో సరిపెట్టుకుంది.
టైటిల్ పోరులో లూకా మొడ్రిక్(Luka Modric) సారథ్యంలోని క్రొయేషియా జట్టు స్పెయిన్కు దీటుగా ఆడింది. అదనపు సమయంలో ఇరుజట్ల ఆటగాళ్లు ఒక్క గోల్ చేయలేదు. దాంతో, విజేతను నిర్ణయించేందుకు షూటౌట్ పెట్టారు. క్రొయేషియా ఆటగాళ్లు లొవ్రో మజెర్, బ్రూనో పెట్కోవిక్ గోల్ చేయడంలో విఫలం అయ్యారు. గోల్ కీపర్ ఉనాయ్ సిమన్ సమర్ధంగా వాళ్లు కొట్టిన రెండు గోల్స్ను అడ్డుకున్నాడు. స్పెయిన్ డిఫెండర్ డానీ కార్వాజల్(Dani Carvajal) పెనాల్టీని గోల్గా మలిచాడు. దాంతో, స్పెయిన్ ఒక గోల్ తేడాతో విజయం సాధించింది. రెండేళ్లకు ఓసారి నిర్వహించే యూఈఎఫ్ఏ లీగ్లో యూరోపియన్ దేశాలు పాల్గొంటాయి.