బెంగాల్‌ క్రికెట్‌ అసోసియేషన్‌ అధ్యక్ష బరిలో దాదా

Sourav Ganguly | టీమ్‌ఇండియా మాజీ కెప్టెన్‌ సౌరవ్‌ గంగూలీ బెంగాల్‌ క్రికెట్‌ అసోసియేషన్‌ (CAB‌) అధ్యక్ష ఎన్నికల్లో పోటీ చేయనున్నారు. ఈ నెల 22న నామినేషన్‌ వేయనున్నారు. దాదా ప్రస్తుతం బీసీసీఐ

న్యూఢిల్లీ: టీమ్‌ఇండియా మాజీ కెప్టెన్‌ సౌరవ్‌ గంగూలీ (Sourav Ganguly) బెంగాల్‌ క్రికెట్‌ అసోసియేషన్‌ (CAB‌) అధ్యక్ష ఎన్నికల్లో పోటీ చేయనున్నారు. ఈ నెల 22న నామినేషన్‌ వేయనున్నారు. దాదా ప్రస్తుతం బీసీసీఐ అధ్యక్షుడిగా ఉన్న విషయం తెలిసిందే. ఆయన పదవీకాలం ఈ నెలతో ముగియనుంది. అయితే మరోసారి అధ్యక్షుడిగా కొనసాగాలనుకున్నప్పటికీ ఆయనకు అనుమతి లభించలేదు. దీంతో ఆయన క్యాబ్‌ ఎన్నికల బరిలో నిలవాలని నిర్ణయించుకున్నారు. ఈ ఎన్నికలు అక్టోబర్‌ 30న జరుగనున్నాయి.

కాగా, గంగూలీ బీసీసీ అత్యున్నత పదవి చేపట్టడానికి ముందు క్యాబ్‌ అధ్యక్షుడిగా 2015 నుంచి 19 వరకు కొనసాగారు. లోథా కమిటీ సిఫారసుల ప్రకారం గంగూల్‌ మరో నాలుగేండ్లు బెంగాల్‌ క్రికెట్‌ ప్రెసిడెంట్‌ పదవి చేపట్టే అవకాశం ఉన్నది. ఈ నెల 20న తన ప్యానల్‌ను ప్రకటిస్తానని దాదా చెప్పారు.