అవార్డులు బరువైతున్నయ్‌: షై హోప్‌

భారత పర్యటనలో సత్తాచాటుతున్న వెస్టిండీస్‌ సారథి షై హోప్‌ సెంచరీల మీద సెంచరీలు బాదుతూ అవార్డుల పంట పండిస్తున్నాడు.

హైదరాబాద్‌: భారత పర్యటనలో సత్తాచాటుతున్న వెస్టిండీస్‌ సారథి షై హోప్‌ సెంచరీల మీద సెంచరీలు బాదుతూ అవార్డుల పంట పండిస్తున్నాడు. ఇప్పటికే ఈ సిరీస్‌లో 4 శతకాలు (వన్డేల్లో 2, టీ20ల్లో 2) చేసిన ఈ విండీస్‌ కెప్టెన్‌ మూడుసార్లు ‘ప్లేయర్‌ ఆఫ్‌ ది మ్యాచ్‌’ అవార్డులూ సొంతం చేసుకున్నాడు.

అదీగాక మ్యాచ్‌లు ముగిశాక వివిధ విభాగాల్లో ఇచ్చేవీ (లాంగెస్ట్‌ సిక్స్‌, హయ్యస్ట్‌ ఫోర్స్‌ వంటివి) కొన్ని ఉంటాయి. అయితే ఈ అవార్డులన్నీ బరువవుతున్నాయంటున్నాడు విండీస్‌ సారథి. బుధవారం హైదరాబాద్‌లోనూ సెంచరీ కొట్టి జట్టు విజయంలో కీలకపాత్ర పోషించిన అతడు టీమిండియా టైటిల్‌ స్పాన్సర్‌ ముత్తూట్‌ ఫిన్‌కార్ప్‌ గోల్డెన్‌ ప్లేయర్‌ ఆఫ్‌ ద మ్యాచ్‌ అవార్డును ఖాతాలో వేసుకున్నాడు.

మ్యాచ్‌ ముగిశాక మాట్లాడుతూ.. ‘నిజం చెప్పాలంటే ఈ అవార్డులు కొంచెం బరువు అవుతున్నాయి. మేము ఇంటికి వెళ్లేప్పుడు లగేజీ బరువును కూడా చూసుకోవాలి. ఈ అవార్డులతో మాకు కొన్ని సమస్యలు వచ్చేట్టే ఉన్నాయి (నవ్వుతూ). అయితే నేను జట్టు కోసం నా అత్యుత్తమ ప్రదర్శన ఇవ్వడానికి ఎప్పుడూ సిద్ధంగా ఉంటాను’ అని హోప్‌ చెప్పుకొచ్చాడు.