Shaheen Afridi : టీ20 వరల్డ్ కప్ ముందే పాకిస్థాన్ జట్టుకు పెద్ద ఝలక్. ఆ జట్టు మాజీ సారథి షాహీన్ షా ఆఫ్రిది(Shaheen Afridi) వైస్ కెప్టెన్సీని తోసిపుచ్చాడు. వరల్డ్ కప్లో తాను కెప్టెన్ బాబర్ ఆజామ్(Babar Azam)కు డిప్యూటీగా ఉండనని సెలెక్టర్లకు తేల్చి చెప్పాడు. దాంతో, ఆఖరి నిమిషంలో ఇదేం ట్విస్ట్ అంటూ పీసీబీ పెద్దలు తలలు పట్టుకున్నారు. త్వరలోనే వైస్ కెప్టెన్ ఎవరనేది వెల్లడించనున్నారు.
భారత గడ్డపై నిరుడు జరిగిన వన్డే వరల్డ్ కప్(ODI World Cup 2023)లో పాక్ జట్టు ఘోరంగా నిరాశపరిచింది. బాబర్ సారథ్యంలోని పాక్ సెమీస్ ముంగిట వెనుదిరిగింది. దాంతో, పీసీబీ పెద్దలు బాబర్తో సహా కోచింగ్ సిబ్బందిపై వేటు వేశారు. ఆ తర్వాత న్యూజిలాండ్తో టీ20 సిరీస్కు కొత్త సారథిగా షాహీన్ అఫ్రిది పేరును ప్రకటించారు.
అయితే.. ఆ సిరీస్లో పాక్ చిత్తుగా ఓడింది. అందుకని పొట్టి ప్రపంచకప్ను దృష్టిలో ఉంచుకొన్న సెలెక్టర్లు మళ్లీ బాబర్కే పగ్గాలు అప్పగించారు. ఊహించని పరిణామంతో షాక్ తిన్న ఆఫ్రిది అప్పటినుంచి గుర్రుగా ఉన్నాడు. ఒక్క సిరీస్కే తనను కెప్టెన్గా తప్పించడంపై ఆగ్రహంగా ఉన్న ఆఫ్రిది ఈ నిర్ణయం తీసుకున్నట్టు తెలుస్తోంది.
Our fans unveil Pakistan’s squad for the ICC Men’s #T20WorldCup 2024 in the West Indies & USA 🇵🇰🤩
Let’s go, team! 🙌#WeHaveWeWill | #BackTheBoysInGreen pic.twitter.com/7nsJwPtyn0
— Pakistan Cricket (@TheRealPCB) May 24, 2024
పొట్టి ప్రపంచ కప్ కోసం పాక్ బోర్డు శుక్రవారమే (మే 24న) తుది స్క్వాడ్ను ప్రకటించింది. వీడ్కోలు అనంతరం యూ టర్న్ తీసుకున్న పేసర్ మహ్మద్ అమిర్, పాకిస్థాన్ సూపర్ లీగ్(Pakistan Super League)లో ఇరగదీసిన ఇమాద్ వసీంలు జట్టులోకి వచ్చారు. కుర్రాళ్లు అబ్రార్ అహ్మద్, మహ్మద్ అబ్బాస్ అఫ్రిది, సయీం అయుబ్, ఉస్మాన్ ఖాన్, అజాం ఖాన్(Azam Khan)లు తొలిసారి వరల్డ్ కప్ ఆడనున్నారు.
పాకిస్థాన్ స్క్వాడ్ : బాబర్ ఆజాం(కెప్టెన్), అబ్రర్ అహ్మద్, అజాం ఖాన్, ఫఖర్ జమాన్, హ్యారిస్ రవుఫ్, ఇఫ్తికార్ అహ్మద్, ఇమద్ వసీం, మహ్మద్ అబ్బాస్ అఫ్రిది, మహ్మద్ అమిర్, మహ్మద్ రిజ్వాన్, నసీమ్ షా, సయీం అయుబ్, షాదాబ్ ఖాన్, షాహీన్ అఫ్రిది, ఉస్మాన్ ఖాన్.