Asia Cup 2023 : వరల్డ్ నంబర్ 1గా ఆసియా కప్లో బరిలోకి దిగిన పాకిస్థాన్(Pakistan) అదరగొట్టింది. ఆరంభ మ్యాచ్లో ఆతిథ్య జట్టు భారీ విజయం సాధించింది. బౌలర్లు చెలరేగడంతో పసికూన నేపాల్(Nepal)ను 238 పరుగుల తేడాతో చిత్తు చేసింది. 343 పరుగుల భారీ లక్ష్య ఛేదనలో నేపాల్ 104 వద్దే కుప్పకూలింది. పాక్ ఆల్రౌండర్ షాదాబ్ ఖాన్(Shadab Khan) 4 వికెట్లతో హడలెత్తించాడు. పేసర్లు షాహీన్ ఆఫ్రీదీ, హ్యారిస్ రౌఫ్ రెండేసి వికెట్లతో రాణించారు.
టాస్ గెలిచిన పాకిస్థాన్ బ్యాటింగ్ తీసుకుంది. నేపాల్ బౌలర్లను ఉతికారేసిన కెప్టెన్ బాబర్ ఆజం(151 : 131 బంతుల్లో 14 ఫోర్లు, 4 సిక్స్లు), ఇఫ్తికార్ అహ్మద్(109 నాటౌట్ :71 బంతుల్లో 11 ఫోర్లు, 4 సిక్స్లు) జట్టు భారీ స్కోర్ చేయడంలో కీలక పాత్ర పోషించాడు.తో కలిసి 214 పరుగుల భాగస్వామ్యం నిర్మించాడు. దాంతో, నిర్ణీత ఓవర్లలో 6 వికెట్ల నష్టానికి 342 పరుగులు చేసింది. ఆ తర్వాత బ్యాటింగ్కు దిగిన నేపాల్ ఏ దశలోనూ పోరాడలేకపోయింది.
బాబర్ ఆజం, ఇఫ్తికార్ అహ్మద్
భారీ లక్ష్య ఛేదనలో నేపాల్ ఆదిలోనే తడబడింది. ఓపెనర్లు కుశాల్ బ్రుటెల్(8), ఆసిఫ్ షేక్(5)లను ఆఫ్రీదీ, నసీం షా పెవిలియన్ చేర్చారు. వీళ్లకు తోడూ హ్యారిస్ రౌఫ్ కూడా విజృంభించడంతో 100లోపే నేపాల్ 5 వికెట్లు కోల్పోయింది. కష్టాల్లో పడిన జట్టును అరిఫ్ షేక్(26), సొంపల్ కమి(28) ఆదుకున్నారు. వీళ్లిద్దరూ ఔటయ్యాక ఏ దశలోనూ కోలుకోలేకపోయింది. షాదాబ్ ఖాన్ తిప్పేయడంతో నేపాల్ 104 పరుగులకే ఆలౌటయ్యింది.