Satwiksairaj – Chirag Shetty | సాత్విక్ – చిరాగ్ జోడీకి కెరీర్‌ అత్యుత్త‌మ‌ ర్యాంక్

Satwiksairaj - Chirag Shetty : భార‌త స్టార్ డ‌బుల్స్ ద్య‌యం సాత్విక్ సాయిరాజ్(Satwiksairaj) - చిరాగ్ శెట్టీ(Chirag Shetty) కెరీర్ అత్యుత్త‌మ ర్యాంక్ సాధించారు. బీడ‌బ్ల్యూఎఫ్(bwf rankings) విడుద‌ల చేసిన పురుషుల డబుల్స్ ర్యాంకింగ్స్‌లో రెండో స్థానం సొంతం చేసుకున్నారు. ఈ ఏడాది మూడో వ‌ర‌ల్డ్ టూర్ టైటిల్ గెలిచిన ఈ జంటకు కెరీర్ అత్యుత్త‌మ ర్యాంక్...

Satwiksairaj – Chirag Shetty : భార‌త స్టార్ డ‌బుల్స్ ద్య‌యం సాత్విక్ సాయిరాజ్(Satwiksairaj) – చిరాగ్ శెట్టీ (Chirag Shetty) కెరీర్ అత్యుత్త‌మ ర్యాంక్ సాధించారు. బీడ‌బ్ల్యూఎఫ్(bwf rankings) విడుద‌ల చేసిన పురుషుల డబుల్స్ ర్యాంకింగ్స్‌లో రెండో స్థానం సొంతం చేసుకున్నారు. ఈ ఏడాది మూడో వ‌ర‌ల్డ్ టూర్ టైటిల్ గెలిచిన ఈ జంటకు కెరీర్ అత్యుత్త‌మ ర్యాంక్ ఇదే కావ‌డం విశేషం. రెండు రోజుల క్రితం కొరియా ఓపెన్(Korea Open)లో టైటిల్ విజేత‌గా నిల‌వ‌డంతో సాత్విక్ – చిరాగ్ జోడీ ర్యాంక్ మెరుగుప‌డింది.

ఇండోనేషియా ఓపెన్ ట్రోఫీ త‌ర్వాత సాత్విక్ – చిరాగ్ మూడో ర్యాంక్‌కు ఎగ‌బాకారు. ఫైన‌ల్లో టాప్ సీడ్ ఓడీకి షాకిచ్చి చాంపియ‌న్‌గా నిలిచారు. చైనాకు చెందిన లియాంగ్ వే కెంగ్, వాంగ్ చాంగ్ జంట‌ను చిత్తు చేసి స‌గ‌ర్వంగా ట్రోఫీ అందుకున్నారు. దాంతో ఒక ర్యాంక్ మెరుగుప‌రుచుకున్నారు.

వ‌ర‌ల్డ్ టూర్ ఫైన‌ల్లో రికార్డు

ఈ ఏడాది ఆరంభం నుంచి సాత్విక్ – చిరాగ్ జంట దుమ్మురేపుతోంది. వ‌రుస ట్రోఫీల్లో సంచ‌ల‌న‌ విజయాల‌తో ప్ర‌త్య‌ర్థుల‌కు వ‌ణుకు పుట్టిస్తోంది. వీళ్లు ఈ ఏడాది తొలిసారి స్విస్ ఓపెన్ టైటిల్ నెగ్గారు. సాత్విక్- చిరాగ్ జోడీకి వ‌ర‌ల్డ్ టూర్ ఫైన‌ల్లో అద్భుత‌మైన రికార్డు ఉంది. ఇప్ప‌టివ‌ర‌కూ తొమ్మిది సార్లు ఫైన‌ల్ చేరిన ఈ జోడీ ఏకంగా ఏడు ప‌ర్యాయాలు చాంపియ‌న్‌గా నిలిచింది.

అంతేకాదు వీళ్లిద్ద‌రూ తొలిసారిగా ఇండోనేషియా సూప‌ర్ 1000 టోర్న‌మెంట్ టైటిల్ సాధించారు. దాంతో, ఇండోనేషియా ఓపెన్ టైటిల్ అందుకున్న‌ మొద‌టి భార‌త డ‌బుల్స్‌ జోడీగా రికార్డు సృష్టించారు. అంతేకాదు హైద‌రాబాద్ ఓపెన్‌(2018), థాయ్‌లాండ్ ఓపెన్‌(2019), ఫ్రెంచ్ ఓపెన్(2022) డ‌బుల్స్ విజేత‌గా నిలిచింది.

ఇవి కూడా చ‌దవండి

West Indies | రెండేళ్ల త‌ర్వాత జ‌ట్టులోకి హిట్‌మెయిర్.. వ‌న్డే సిరీస్‌కు విండీస్ బృందం ఇదే

World Test Championship: డ్రాతో రెండో స్థానానికి ఇండియా.. టాప్‌లో పాకిస్థాన్