SA vs BAN | వరుస బంతుల్లో వికెట్లు కూల్చిన రబాడ.. 6 ఓవర్లకు బంగ్లా స్కోరు ఎంతంటే

SA vs BAN | పేసర్ రబాడ అద్భుతమైన బంతులతో కీలక వికెట్లు కూల్చడంతో బంగ్లాదేశ్ జట్టు తడబడింది. సౌతాఫ్రికాతో జరుగుతున్న టీ20 ప్రపంచకప్ 30వ మ్యాచ్‌లో

అబుధాబి: పేసర్ రబాడ అద్భుతమైన బంతులతో కీలక వికెట్లు కూల్చడంతో బంగ్లాదేశ్ జట్టు తడబడింది. సౌతాఫ్రికాతో జరుగుతున్న టీ20 ప్రపంచకప్ 30వ మ్యాచ్‌లో బంగ్లాదేశ్, సౌతాఫ్రికా తలపడుతున్నాయి. ఈ మ్యాచ్‌లో టాస్ గెలిచిన దక్షిణాఫ్రికా ఫీల్డింగ్ ఎంచుకుంది. స్టార్ ఆల్‌రౌండర షకీబల్ హసన్ లేకుండా బంగ్లా జట్టు బరిలో దిగింది.

ఈ క్రమంలో ఆచితూచి ఆడుతున్న బంగ్లా ఓపెనర్లకు పేసర్ రబాడ చెక్ పెట్టాడు. నాలుగో ఓవర్ వేసిన అతను చివరి రెండు బంతులకు రెండు వికెట్లు కూల్చాడు. రబాడ బౌలింగ్‌లో భారీ షాట్‌కు ప్రయత్నించిన మొహమ్మద్ నైమ్ (9).. హెండ్రిక్స్‌కు క్యాచ్ ఇచ్చి అవుటయ్యాడు. ఆ మరుసటి బంతికే మాజీ ఓపెనర్ సౌమ్య సర్కార్ (0) గోల్డెన్ డక్‌గా వెనుతిరిగాడు.

ఆడిన తొలిబంతికే అతను ఎల్బీడబ్ల్యూగా పెవిలియన్ చేరాడు. మళ్లీ ఆరో ఓవర్లో రబాడ చేతికి బంతి చేరింది. ఆ ఓవర్ తొలి బంతికి వికెట్ తీస్తే అతని పేరిట హ్యాట్రిక్ చేరేది. కానీ అది మిస్సయినా మూడో బంతికే ఫామ్‌లో ఉన్న ముష్ఫికర్ రహీమ్ (0)ను పెవిలియన్ చేర్చిన రబాడ.. సౌతాఫ్రికా జట్టుకు అద్భుతమైన ఆరంభాన్నందించాడు. అతని ధాటికి ఏ కోశానా కోలుకోలేకపోయిన బంగ్లాదేశ్ తొలి పవర్‌ప్లే 6 ఓవర్లు ముగిసే సరికి 28/3తో నిలిచింది.