Rohit Sharma : హిట్మ్యాన్ రోహిత్ శర్మ(Rphit Sharma) విధ్వంసక బ్యాటింగ్, అతని రికార్డుల గురించి అందరికి తెలిసిందే. వన్డేల్లో ఏకంగా మూడుసార్లు డబుల్ సెంచరీలు బాదడమే కాకుండా ఐపీఎల్లో ముంబై ఇండియన్స్(Mumbai Indians)ను నాలుగు సార్లు చాంపియన్గా నిలిపాడు. అలాంటి అతను ఐపీఎల్ 2023(IPL)లో మాత్రం చెత్త రికార్డు మూటగట్టుకున్నాడు. 0-5 పరుగుల మధ్య ఎక్కువ సార్లు ఔటైన వాళ్లలో ఈ ముంబై ఇండియన్స్ కెప్టెన్ టాప్లో నిలిచాడు.
16వ సీజన్లో రాయల్ చాలెంజర్స్ బెంగళూరుతో జరిగిన తొలి మ్యాచ్లో రోహిత్ 1 రన్కే పెవిలియన్ చేరాడు. దాంతో, సున్నా నుంచి ఐదు పరుగుల మధ్య అతను ఔట్ కావడం ఇది 50వ సారి. అతని తర్వాత దినేశ్ కార్తిక్ (44) ఉన్నాడు. రాబిన్ ఊతప్ప(41), సురేశ్ రైనా(40) వరుసగా మూడు, నాలుగు స్థానాల్లో నిలిచారు.
చిన్నస్వామి స్టేడియంలో ఆర్సీబీతో జరిగిన మ్యాచ్లో రోహిత్ శర్మ విఫలమయ్యాడు. 10 బంతుల్లో 1 పరుగు చేసి ఔటయ్యాడు. తిలక్ వర్మ (84 నాటౌట్) అర్ధ శతకం బాదడంతో ముంబై 171 రన్స్ చేసింది. ఆ తర్వాత ఆర్సీబీ ఓపెనర్లు విరాట్ కోహ్లీ (82), ఫాఫ్ డూప్లెసిస్ (73) హాఫ్ సెంచరీలతో చెలరేగారు. పోటాపోటీగా సిక్స్లు, బౌండరీలు కొట్టారు. వీళ్లు మొదటి వికెట్కు 148 రన్స్ జోడించారు. డూప్లెసిస్ ఔటయ్యాక కోహ్లీ, మ్యాక్స్వెల్(12)తో కలిసి జట్టును గెలిపించాడు. అర్షద్ ఖాన్ ఓవర్లో సిక్స్ కొట్టడంతో ఆర్సీబీ 8 వికెట్ల తేడాతో విజయం సాధించింది.