Rinku Singh : ఐపీఎల్ హీరో రింకూ సింగ్(Rinku Singh) ఎట్టకేలకు భారత జట్టుకు ఆడాలన్న కల నెరవేర్చుకున్నాడు. ఐర్లాండ్ సిరీస్( Ireland Series)లో మొదటిసారి టీమిండియా జెర్సీ(Team India Jersey) వేసుకున్న ఈ సిక్సర్ల కింగ్ ఎంత మురిసిపోయాడో చూశాం. అదే సంతోషాన్ని అతను తన తల్లిదండ్రులు కంచంద్ర సింగ్(Khanchandra Singh), వీణా దేవీ(Vina Devi)ల ముఖంలో చూడాలనుకున్నాడు. అందుకని ఐర్లాండ్ నుంచి వస్తూ వాళ్ల కోసం అమూల్యమైన బహుమతి తెచ్చాడు. ఇంతకు ఆ గిఫ్ట్ ఏంటో తెలుసా..? భారత జట్టు జెర్సీ.
కొడుకు ఎంతో ప్రేమతో తీసుకొచ్చిన ఆ జెర్సీలను ధరించిన వాళ్ల ఆనందానికి అవధులు లేవనుకో. టీమిండియా జెర్సీలో ఉన్న అమ్మనాన్నతో రింకూ ఫొటో దిగాడు. ఆ ఫొటోను ఇన్స్టాగ్రామ్లో పోస్ట్ చేశాడు. దానికి ‘వీళ్లిద్దరి వల్లనే నా క్రికెటర్గా నా ప్రయాణం మొదలైంది’ అని క్యాప్షన్ రాశాడు. ప్రస్తుతం ఆ ఫొటో వైరల్ అవుతోంది.
ఐర్లాండ్ సిరీస్లో రింకూ ఆకట్టుకున్నాడు. తొలి టీ20లో 21 బంతుల్లోనే 38 పరుగులు చేసి జట్టును గెలిపించాడు. దాంతో, అరంగేట్రం సిరీస్లోనే ‘ప్లేయర్ ఆఫ్ ది మ్యాచ్’ అవార్డు అందుకున్నాడు. ఐర్లాండ్ సిరీస్ ఉత్సాహంతో రింకూ ఆసియా గేమ్స్కు సిద్ధమవుతున్నాడు. ఈ పోటీల కోసం రుతురాజ్ గైక్వాడ్(Ruturaj Gaikwad) సారథ్యంలోని యువ భారత్ త్వరలోనే చైనాకు వెళ్లనుంది.
పేదింట్లో పుట్టిన రింకూ సింగ్ క్రికెటర్ అయ్యేందుకు ఎంతో కష్టపడ్డాడు. కొన్నాళ్లు హోటళ్లలో పనిచేశాడు. రింకూ నాన్న కంచంద్ర సింగ్ ఇంటింటికీ గ్యాస్ సిలిండర్లు వేస్తూ కొడుకు కలకు అండగా నిలిచాడు. దేశవాళీలో సంచలన ఇన్నింగ్స్లు ఆడిన రింకూ ఐపీఎల్తో హీరో అయ్యాడు. ఐపీఎల్ 16వ సీజన్లో ఒకే ఓవర్లో వరుసగా ఐదు సిక్స్లు కొట్టి ఒక్కసారిగా స్టార్ అయ్యాడు. గుజరాత్ టైటన్స్ బౌలర్ యశ్ దయాల్(Yash Dayal) ఓవర్లో 5 బంతుల్ని స్టాండ్స్లోకి పంపి కోల్కతా నైట్ రైడర్స్కు అద్భుత విజయాన్ని అందించాడు.
రింకూ సింగ్
ఆ తర్వాత పలు మ్యాచుల్లో మెరుపు ఇన్నింగ్స్లతో సెలెక్టర్ల దృష్టిలో పడ్డాడు.ఆసియా గేమ్స్తో పాటు ఐర్లాండ్ సిరీస్కు ఎంపికయ్యాడు. దాంతో, ఇన్నేళ్ల తన కష్టానికి ఫలితం దొరికిందని తెగ సంబరపడిపోయాడు. అలాగని అతను తన పాత రోజుల్ని మర్చిపోలేదు. తనలాంటి పేద పిల్లలకు క్రికెట్లో శిక్షణ ఇవ్వడం కోసం ఒక హాస్టల్ కట్టిస్తున్నాడు. అందులోనే భోజన వసతి, ఇతర సౌకర్యాలు కల్పించాలనే ఆలోచనతో ఉన్నాడు.