IPL 2023 : ఇండియన్ ప్రీమియర్ లీగ్ (IPL) పదహారో సీజన్ కోసం రాయల్ చాలెంజర్స్ బెంగళూరు (Royal Challengers Bangalore) పూర్తి స్థాయిలో సిద్ధమవుతోంది. సొంత గ్రౌండ్ చిన్నస్వామి(Chinna Swamy) స్టేడియంలో ఆదివారం తమ మొత్తం బృందంతో ఆజట్టు ప్రాక్టీస్ చేసింది. ఆటగాళ్లు పలు రకాల షాట్లు ఆడుతూ కనిపించారు. ఆ జట్టు స్టార్ ప్లేయర్స్ విరాట్ కోహ్లీ, గ్లెన్ మ్యాక్స్వెల్ ప్రాక్టీస్లో భారీ షాట్లు ఆడి అభిమానులను అలరించారు.
ఆర్సీబీ ఫ్రాంఛైజీ ఈరోజు తమ జట్టు జెర్సీని విడుదల చేయనుంది. అంతేకాదు ఆర్సీబీ హాల్ ఆఫ్ ఫేమ్లో మాజీ క్రికెటర్లు క్రిస్ గేల్ (Chris Gayle), ఏబీ డివిల్లియర్స్(AB de Villiers) కు చోటు కల్పించనుంది. అంతకాదు వీళ్ల జెర్సీ నంబర్లను(గేల్ 17, డివిల్లియర్స్ 333) మరెవరికీ కేటాయించకూడదని కూడా ఫ్రాంఛైజీ నిర్ణయించుకుంది. డిఫెండింగ్ చాంపియన్ గుజరాత్ టైటన్స్, నాలుగుసార్లు చాంపియన్ చెన్నై సూపర్ కింగ్స్ జట్లు ఆరంభ మ్యాచ్లో తలపడనున్నాయి.
పదిహేను సీజన్లలో ఆర్సీబీ జట్టు ఒక్కసారి కూడా ఐపీఎల్ ట్రోఫీ అందుకోలేదు. విరాట్ కోహ్లీ, క్రిస్ గేల్, ఏబీ డివిల్లియర్స్, డేల్ స్టెయిన్ వంటి స్టార్లు ఉన్నా కూడా ఆ జట్టు ఒక్కసారి కూడా కప్పు గెలవలేకపోయింది. రెండుసార్లు ఫైనల్ చేరినా విజేతగా మాత్రం నిలవలేదు. గత సీజన్లో ఆస్ట్రేలియా ఆల్రౌండర్ గ్లెన్ మ్యాక్స్వెల్ ఆర్సీబీతో కలిశాడు. అయితే.. ఆసీస్ స్టార్ పేసర్ జోష్ హేజిల్వుడ్, శ్రీలంక స్పిన్నర్ వనిందు హసరంగా ఈసీజన్లో కొన్ని మ్యాచ్లకు మిస్ అయ్యే అవకాశం ఉంది. కోహ్లీ ఫామ్ అందుకోవడంతో ఆర్సీబీ ఫ్యాన్స్ హ్యాపీగా ఉన్నారు. ఈసారైనా తమ జట్టు కప్పు కొట్టాలని వాళ్లంతా బలంగా కోరుకుంటున్నారు.